IV. Hendaiako Film Festivala

"Cretinos" eta "Dantzariak" film txalotuenak

  • Hendaia Film Festivaleko sariak banatu dira. Edu Moyanoren Cretinos izan da film sarituena, Nazioarteko sari nagusia jaso du. Akitania-Euskadiko saria David Lopezen 5 segundos-i eman zaio. Asier Salazar bizkaitarraren Dantzariak filmak hiru sari irabazi ditu, Cretinosekin batera film txalotuena.

Mikel Asurmendi @masurmendi
2016ko urriak 16
Marivel Rivera da “Dantzariak” filmaren protagonista, Ramon Ibarrarekin batera.

IV. Hendaia Film Festivaleko sariak banatu ziren bart. Edu Moyanoren Cretinos izan da festibaleko film nabariena, Nazioarteko sari nagusia jaso du. Akitania-Euskadiko saria David Lopezen 5 segundos filmari eman zaio. Asier Salazar bizkaitarraren Dantzariak filmak bi sari jaso ditu.

Arrakasta da aurtengo Hendaiako Fim Festivalaren lehenengo deitura, bigarrena egonkortasuna. Film eta publiko onek jaialdiaren jarraikortasuna berretsi dute. Festibala xumea da, baina ari da koskortzen, handitzen, heltzen.

Angela Mejiasek zuzentzen duen festibalak, instituzioen arreta bereganatu du kosta hala kosta, baita tokiko enpresa laguntza jaso ere. Mejiasek jakin du borondate oneko jende zine zalearen laguntza biltzen, baita urtez urte, epaimahai ona osatzen.     

Eduardo Manet kubatarra izan da ohorezko epaimahaikideen presidentea aurten. Zortzi epaileen artean bi euskaldun izan dira, Fermin Muguruza eta Olatz Beobide. Horrek merezi duen euskal jitea eman dio festibalari.

Hendaia Film Festibala mugak gainditzeko jaio zen, eta ari da lortzen. Film laburraren berebiziko eskaintza da. Urtez urte, afixan ageri denez, etorkinen eta behartsuen agertokia da. Lan gaitza eta xumearen emaitza.

Festibalak merezi du. Merezi dute mundu osotik datozen zine zaleek, eta oroz gainetik, etxeko Angel Mejiasek merezi du. Eduardo Manetek esan duenez, “umea hazten ari da”. Bosgarren urtebetetzea irabazi du, eta jaioko dira berriak.     

Anartean, hona laugarren urteko uzta berezitua:

Akitania-Euskadi saila:

– Film onena David Lopezen 5 segundos.

– Emakumezko aktore onena: Mabel Rivera (Dantzariak).

– Gizonezko aktore onena: Ramon Ibarra (Dantzariak).

– Bi aipamen berezi: George Todría-ren Lost village eta Aitor Oñederraren I said i would never talk abour politics. – Euskal gidoi onenaren saria: Dantzariak.  (Euskal Gidoigileak Elkarteak emana)

Nazioarteko saila:

– Lehen film labur onenaren saria exekuo: Edu Moyanoren Cretinos eta Mariana Wainteins-en Error 404.

– Emakumezko aktore onena: Diaryatou Daff (Lurna).

– Gizonezko aktore onena: Bastien Bouillon (Guillaume à la derive).

– Aipamen berezia: Le libraire (Cedric Martin).

– Animazioko aipamen berezia: Cuerdas en la vida. 

– Gidoi onenaren saria: Cretinos.

– Musika original onena: Cretinos (Film Musika Konposatzaileen Elkarteak emana).

– Publikoaren saria, Cretinos (Edu Moyano).


Azkenak
Nafarroako Polizien Legea atzera botako dute Podemosek eta Ezkerrak

Gobernuak mahai gainean jarri duen proposamenari osoko zuzenketa aurkeztuko diotela iragarri dute bi alderdiek. 


2017-09-26 | ARGIA
Puigdemont atxilo dezaketela airean utzi du Espainiako fiskaltzak

Urriaren 1ean Kataluniako herritarrak autodeterminazio erreferendumean bozkatzera deituta daude, beren legebiltzarrak hala erabakirik. Espainiako Gobernuak, aldiz, hura eragotziko duela agindu du. ARGIA kanpainaren eta gertakizunen jarraipena egiten ari da zuzenean. 


Inkontziente kolpista

Zalantza daukat: PPko Alfonso Alonsok lapsus bat izan zuen joan den ostegunean EAEko Legebiltzarreko mikrofono, argi eta kameren aurrean EAJri abisu hau bidali zionean?


Perlak | "120 battements par minute". Aktibistaren gidaliburua

Sutsua, gerrillaria, pasionala da 120 battements par minute, Act Up taldearen aktibismoa bezalatsu.


2017-09-25 | Xabier Letona
Kataluniako ispiluan... gure eskasiak

Bere hauteskunde programari atxikiz gero, EAJk estatutu berri bat proposatu beharko luke legealdi amaierarako, 2020rako. Berez, berritu behar zuen 2016rako, kontsulta eta guzti gainera".


2017-09-25 | Gaizka Izagirre
Zinemira | Non/Ez: "Coen" lehengusu Euskaldunen saiakera ona

Ikaragarri gustuko ditut genero honetako filmak, are gehiago koralak direnean eta umore beltzak ingurunea inbaditzen duenean.


2017-09-25 | Unai Brea
Herri bazkari sinbolikoa Berangoko Burger King-en, "lan prekarioan egositako zabor janaria"-ren aurka

Tosu Betirako asanbladak deituta, hogei bat lagunek herri bazkaria antolatu dute Berangon eraiki berri den Burger King-ean. Bertako mahai eta aulkiak erabili dituzte bertoko produktuekin egindako bazkaria jateko, han zeuden bezeroei “Big PNV menua”-ren aurkako idatzi bat ematen zieten bitartean. Tosun aparkalekua eraikitzeko asmoarekin eta Berangon merkataritza gune erraldoia egin izanarekin desadostasuna agertu dute horrela.


Sail Ofiziala, 4. eguna | Itsu-itsuan

Begiak lainotuta dauzkate Zinemaldiko laugarren egun honetan Sail Ofizialean aurkeztu diren bi filmetako protagonistek. Batek, Barbara Alberten Licht filmeko protagonistak, itsua delako. Besteak, Diego Lermanen Una especie de familia-koak, ez duelako begi-bistakoa dena ikusi nahi.


2017-09-25 | Kattalin Miner
Eten ezin den hegaldia

Txapelketa Nagusiaren lehen saioa jokatu zen larunbatean Baigorrin. Bertsolari hauek puntuaketa hau eskuratu zuten: Alaia Martin (712 puntu), Aimar Karrika (651,5), Beñat Ugartetxea (631,5), Ander Lizarralde (627), Mikel Artola (620) eta Xabi Maia (598,5). Hona hemen kronika.


Azkenak
EGILEA
Eguneraketa berriak daude