Corbynek Blairren bidea deseginez piztu du ilusioa laborismo britainiarrean

  • Erresuma Batuko hauteskundeetan Theresa May-k aise irabaziko duela uste zuten arren, gora eta gora ari da alderdi laborista. Azken inkesta baten arabera, Jeremy Corbyn hiru puntuko aldean geratuko litzateke soilik.


2017ko ekainaren 08an - 09:59

Hamazazpi puntuko aldea iragartzen zuten inkestek hauteskunde kanpainaren hasieran Theresa Mayren alde. Baina okertzen ari dira gauzak toryentzat eta sorpresa eman dezakete laboristek.

Inkestak baino ez diren arren, bi arrazoi nagusi egon daitezke joera aldaketa honetarako. Lehena, noski, pasa den larunbateko Londresko atentatuek utzi duten segurtasunari buruzko eztabaida eta polemika. Baina bestetik, Jeremy Corbyn buru, alderdi laboristak ezkerrera egindako itzulia legoke.

AEBetan Bernie Sandersek sortutako ikusminarekin alderatu daiteke; eliteen kontrako diskurtso gogorra eta langile klasearen aldeko neurri zehatzak proposatuz. Orain arte kolore ezberdinaren pean politika berberak egiten zituzten politikariez aspertuta, aire freskoa ekarri die Corbynek laboristei.

Hala ere ez diote horren erraz jarri. Bi aldiz irabazi behar izan ditu alderdiko primarioak, 2015ean eta 2016an, Tony Blairren zaleak kontra eduki izan baititu.

“For  the many not the few”

Hauek dira, besteak beste Jeremy Corbynen programan proposatzen dituen hainbat neurri.

- Errentaren gaineko zergaren igoera urtean 80.000 libra baino gehiago irabazten dutenentzat (biztanleriaren %5 aberatsena) eta %95ari ez igotzeko promesa.

-Sektore elektrikoaren, trenbideen, posta zerbitzuaren edo ur hornikuntzaren nazionalizazioa.

-Unibertsitate tasen abolizioa.

-Europar merkatu Bateratuan integrazioa eta aduanen batasuna (Brexit biguna).

-Zerga bereziak 20 >1 soldata eskala duten enpresentzat.

-Frackingaren debekua.

-Gutxieneko soldataren igoera: egungo 7,5 libra/orduko-tik 10 libra/ordukora.

-Doako praktiken debekua.

-Etxebizitza alokairuaren kontratuaren gutxieneko iraupena 6 hilabetetik 3 urtera pasatzea.


Kanal honetatik interesatuko zaizu: Erresuma Batua
Ogi-apurrak Afrika espoliatuarentzat

Ghana, 1823. Ashanti Inperioaren eta britainiarren arteko lehen gerra hasi zen. Guztira lau gerra izan ziren bien artean, eta gatazka 1901 arte luzatu zen. Lehenago, europarrek herrialdeko Urrezko Kosta kontrolatzen zuten. Baina 1807ko esklabotzaren abolizioaren ondorioz,... [+]


Kristinn Hrafnsson Assangeren emaztea: "Estraditatzen badute, hil egingo da"

Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.


2024-02-09 | Sustatu
Fujitsu eta Erresuma Batuko Postaren eskandalu informatiko eta judiziala

2024 hasiera honetan inpaktua izan duen telesail bat Mr Bates vs The Post Office da. Lau atal dira, ikusteko ondo egina dago, eta inguruan entzun ez baduzu ere, Erresuma Batuan gobernu adierazpenak sortzera iritsi da. Kontatzen duena harrigarriki larria baita, 2000 eta 2015... [+]


Palestinako bandera erakustea delitua da Erresuma Batuko Gobernuarentzat

Erresuma Batuko Barne ministroak Suella Bravemanek bandera palestinarra astintzea “ordena publikoko delitutzat” har daitekeela adierazi du. “Israel mundutik ezabatuta ikusteko gogo bortitzaren adierazpen" gisa uler daitekeela uste du Bravemanek.


2023-09-01 | Gedar
Pertsona migratzaileei GPS gailuak jartzea, mahai gainean Erresuma Batuan

"Legez kanpoko migratzaileak azkarrago atxilotzeko eta kanporatzeko" gaitasuna aldarrikatzen jarraitzen du gobernuak, eta pertsona migratzaileak jazartzeko eta erreprimitzeko neurri gehiago ari da aztertzen.


Eguneraketa berriak daude