Eneko Compains

"Milaka torturatu egon dira baimentzen zuen sistema oso bat eraiki delako"

  • Auzitegi Konstituzionalak hala aginduta, ostegunean deklaratu du Eneko Compainsek; 2010ean atxilotu zuten, beste bost lagunekin batera, eta torturak salatu zituen. Zazpi urte pasa dira horrez geroztik.

Euskalerria irratia @fm983irratia
2017ko maiatzaren 19a
Eneko Compains, Nafarroako parlamentuan egindako agerraldi batean.

"Euskal Herrian milaka tortura kasu egon dira, ez kontrolik gabeko lau guardia zibilek hala izan nahi dutelako, baizik eta hori baimentzen zuen sistema oso bat eraiki delako" esan du Eneko Compainsek Iruñeko Auzitegira sartu aurretik. 2010ko irailean hartu zuten atxilo, beste bost kiderekin batera, eta zazpi urteotan ez du epaile aurrean deklaratzeko aukerarik izan.

Auzitegi Konstituzionalak agindu du haren auzia berriz ikertzeko, Compainsen irudiko, "Estrasburgotik eman dizkioten zapaztekoak aintzat hartuta". Atzo auzi medikuak hitz egin zuen epaile aurrean; Compainsen txanda izan da gaur; baina, dena dela, oraindik ikusteke dago ahozko epaiketa izanen den ala ez. 

Auzitegiengan "konfiantza eskasa" duela adierazi du, ez, ordea, herritarrengan: "Itxaropentsu nago, baina itxaropena daukat herriarengan, torturaren aurka konpromisoak hartu dituzten herritarrenagan". 

Nafarroako Gobernuari begira 

Atxilotu zutenean Donostian zegoenez, Paco Etxeberriak ikertu du Compainsen tortura kasua, Eusko Jaurlaritzak eskatuta, beste hainbat kasurekin egin duen gisan. EAEko bidea izan du hizpide gaur Compainsek eta eskaera zuzena egin dio Nafarroako Gobernuarri, "azterketa sakona" egin dezan, "torturak Nafarroan izan duen eragin erreala ezagutzeko; tortura itzaletik argira ekartzeko".

Gainontzeko biktimen gisakoak

Auzitegi parean, elkarretaratzea egin dute hainbat herritarrek 5.657 torturatu. Inpunitaterik ez lelopean. Txalo zaparrada jasota sartu da Compains epaile aurrean deklaratzera. "Torturatuok biktimak gara; besteei zor zaiena zor zaigu: aitortza, erreparazioa eta ez errepikatzeko bermea", esan du.

Albiste hau Euskalerria Irratiak argitaratu du eta ARGIAra ekarri dugu CC by-sa lizentzia baliatuta

Kanal hauetan artxibatua: Tortura  |  Nafarroako politika  |  Guardia Zibila

Tortura kanaletik interesatuko zaizu...
'Billy el Niño'-k plusa kobratzen du pentsioan, frankismoko "polizia merituengatik" domina jaso zuelako

Frankismo garaian herritar ugari torturatzeagatik auzipetuta dagoen Jose Antonio Gonzalez Pacheco Billy el Niño-k pentsioan %15eko gehigarria dauka 1977an domina jaso zuelako, hala onartu Espainiako Barne Ministerioak.


2018-05-10 | ARGIA
Ander Maezturen tortura salaketengatik deklaratuko du polizia batek Madrilen

"Nire burua lehiotik botatzea ere pasa zitzaidan", azaldu zuen Ander Maeztu txantrearrak poliziek eragin zizkioten torturak azaltzeko orduan. Segiko kide izatea leporatuta atxilotu zuten 2010ean, beste 14 gazterekin. Orain, haietako polizia batek Madrilgo auzitegi batean azalpenak eman beharko ditu.


2018-05-02 | ARGIA
Guardia Zibilek ukatu egin dute Compains torturatu izana

Lau Guardia Zibileko agentek ukatu egin dute Eneko Compains torturatu zutenik. Asteazken honetan deklaratu dute Nafarroako Auzitegian, 2010eko polizia operazioaren ostean Compainsek salatutako tratu txarrengatik.


2018-05-02 | Estitxu Eizagirre
M1-ak Suitzan izen hau du aurten: Nekane Txapartegi

Zurichen Maiatzaren 1eko Komiteak jai eta borroka espazioa zabaldu du hiri barruan dagoen kartzelaren aurreko eremuan. Aurtengo gai ardatza Preso Politikoak izan da eta horri lotuta izen bat: Nekane Txapartegi, Suitzak bolada batez izan duen preso politiko bakarra.


Lau Guardia Zibilek deklaratuko dute asteazkenean Eneko Compainsen tortura salaketagatik

Iruñeko Justizia Auzitegian deklaratu beharko dute lau Guardia Zibilek epailearen aurrean 2010ean Eneko Compains atxilotu eta inkomunikazio aldian torturatu zutela leporatuta. Egun horretan 9:15ean protesta bat deitua dago Compainsi babesa adierazi eta tortura salatzeko. ENTZUN Compainsi egindako elkarrizketa:


Fauna publikoa
Ze pereza

Estatu-arrazoia bezain iluna da Rubalcaba, estoldetako politikari bat, institutuko irakasle baten itxura kaltegabe hori eduki arren. Itzalpean mugitu zalea, botere faktikoekin aireztatu gabeko sotoetan edukitzen diren elkarrizketetan; zeren hortik at, animalia izu eta itsusia da.


Altsasuko auzia epaituko duen Concepción Espejelek "Billy el Niño" babestu zuen

Ctxt hedabideko Cristina Fallarás kazetariak Concepción García Espejelek Billy el Niño torturatzailearekin izan dituen harremanak azaldu ditu. Altsasuko gazteen epaiketa zuzentzen duen Espainiako Auzitegi Nazionaleko Epaimahai Penalaren presidentea da Espejel. Artikuluaren laburpena ekarri dugu ARGIAra.


Torturak onartzeko eskatu dio Nafarroako Parlamentuak Espainiari

Geroa Baik, EH Bilduk, Ahal Dugu-k eta Ezkerrak hiru puntuko mozio bat onartu zuten atzo Nafarroako Parlamentuan. Lehenengo puntuan Nafarroako Parlamentuak Espainiako Gobernuari eskatu zion torturatu duela onartzeko.


46 egun daramatza gose greban Celestino Córdova preso maputxeak

Celestino Córdova maputxeak 2018ko urtarrilaren 13an hasi zuen gose greba. Córdova “Machi”-a da, alegia, maputxeen “arbasoen autoritate espirituala”, eta Temuco hiriko kartzelan dago preso.


2018-02-27 | Erran .eus
Portu eta Sarasolaren tortura kasuaren epaiaz mozioa onartu du aho batez Lesakako Udalak

Tortura kasuak ikertzeko eta azaleratzeko beharra agertzeko eta tortura pairatu duten herritarrei elkartasuna eta babesa azaltzeko mozioa aurkeztu zuen Lesakako EH Bilduko udal taldeak otsailaren 23ko udal batzarrera eta ahobatez onartu zen, Geroa Bai eta EHBilduko zinegotzien botoekin. Herriko Etxearen ustez "aitzinera egin behar dugu behingoagatik giza eskubideen urraketa hau gelditu dadin eta urtetan torturatzaileek izan duten zigorgabetasuna bukatu dadin".


Azkenak
EGILEA
Eguneraketa berriak daude