Claude Lanzmann omenduko du Euskadiko Filmategiak, proiekzio berezi batekin
Uztailaren 12an Claude Lanzmann zuzendariaren Le dernier des injustes filma proiektatuko dute Donostiako Tabakaleran. Joan den astean hil zen zuzendari frantziarraren omenez antolatutako emanaldi berezia da.
Shoah izan zen Lanzmannen film ezagunena, II. Mundu Gerran juduek jasan zuten genozidioari buruzko dokumental erraldoia (9 ordutik gorako metrajea dauka). Film horretarako errodatu zituen materialetatik abiatu zen Lanzmann ostegun honetan eskainiko duten filma osatzeko.
Izan ere, Benjamin Murmelsteinekin izandako elkarrizketak dira Le dernier des injustes filmaren ardatza. Murmelstein izan zen Theresiesntadt kontzentrazio-esparruko Kontseilu Juduko azken presidentea eta 1975ean grabatutako elkarrizketetan, Lanzmanni kontatu zion nolakoa bizimodua izan zuten nazien eskuetan erori ziren juduek.
Material hori Shoah-tik kanpo geratu zen, baina zuzendariak 2013an estreinatu zuen lan honetan egin zuen publiko, Shoah estreinatu eta ia 30 urte geroago. Zuzendariaren azken filmetako bat izan zen, ondoren beste bi lan besterik ez baitzituen estreinatu: Napalm (2017) eta Les Quatre Sœurs (2018).
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.
Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Martxotik Frantziako Netflix plataforman euskarazko audio eta azpitituluetako filmak ikusgai dira.
Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]