Hiru pertsona atxilotu ditu Espainiako Polizia Nazionalak Iruñean ostegunean. Orain dela hiru aste Ciudadanos alderdiaren egoitzan pintadak egitea leporatuta eraman dituzte epaitegira. Epaileak aske utzi ditu behin-behinean, mehatxu terroristak egitearen akusaziopean.
Amnistiaren Aldeko eta Errepresioaren Aurkako Mugimenduak adierazi duenez, pertsona horiek amnistiaren aldeko pintadak egin zituzten Ciudadanos alderdiaren egoitzaren paretetan. Mugimenduak Espainiako Poliziaren errepresioa salatu du, baita "instituzioen konplizitatea" ere.
Mugimenduak zabaldutako oharrean honela dio, besteak beste: “Ciudadanos eta gainontzeko alderdi faxistek Euskal Herrian daukaten presentziari dagokionez, zilegitzat hartzen dugu hauen jarduera normalizatua eragoztera zuzendutako ekintza oro, eta are gehiago amnistiarena bezalako aldarrikapen demokratikoak tartean daudenean. Hori dela eta, Ciudadanos alderdiaren egoitzan egindako pintadak ere begi onez ikusten ditugula eta hauek adierazten zuten aldarrikapenarekin bat egiten dugula azpimarratu behar dugu”.
Gaur berriz margotuta
Ciudadanosen egoitza berriro margotu dute ostegunean, UPN, EH Bildu, eta Podemosen egoitzekin batera. Iruñean eta Sarrigurenen lau alderdi hauek dituzten egoitzetan "Langile boterea" eta "Espainiako Errepublika federalaren" aldeko margoketak egin dituzte.
Egunon. Nada, a quienes habéis pintado esta noche la sede de @Podemosnavarra en Iruñea. Que vamos a seguir trabajando mucho por la gente. Si nos ayudáis a limpiar os explicamos alguna cosa sobre respeto y democracia. pic.twitter.com/qOPbd33n48
— Eduardo Santos Itoiz (@ESantosItoiz) April 11, 2019
Quienes esta noche han pintado nuestra sede desconocen qué es la lucha obrera, son quienes hacen su “revolución” desde su casa y proclaman un izquierdismo que ya Lenin denunció. Eso sí muy españoles.. pic.twitter.com/8bryQvBZ9I
— Adolfo Araiz (@AdolfoAraiz) April 11, 2019