Ostegunean estreinatuko dute Fermin Muguruza musikariak zuzendu duen Checkpoint Rock. Canciones desde Palestina dokumentala, Donostiako Gazteszenan, Giza Eskubideen Zinema jaialdiaren barruan. Javier Corcuera dokumentalgilea arduratu da irudiez, eta Palestinako hainbat musikarik hartu dute parte: Safaa Arapiyat eta Ayman PR rap abeslariek, Kher Fody poeta eta musikariak, Naseem Dakwer biolin joleak... Dokumentalaren inguruko azalpenak eta haren trailerra Fermin Muguruzaren webgunean aurkituko dituzue.