CCleaner programa kutsatu dute: eragiten al dio nire ordenagailuari?

  • Ordenagailuko memoria garbitzeko erabiltzen den CCleaner programaren bertsio batek software kaltegarria erantsita zeukala informatu du Piriform enpresak. Mundu osoko milaka erabiltzaileri eragin die. Eta zuri?

ARGIA @argia
2017ko irailaren 19a

Abuztu honetan kaleratutako programaren bertsioa da “kutsatuta” dagoena eta hura argitaratzen duen enpresaren arabera, astero milioika deskarga izaten dituztenez, albisteak kezka eragin du erabiltzaile askoren artean.

Informazioa biltzen duen malware-a

CCleaner-en pakete kaltegarriak informazio ugari jasotzen du: ordenagailuaren izena, instalatutako programen zerrenda, abian diren prozesuen zerrenda eta bestelako informazioa, adibidez, ordenagailuaren administratzaileari buruzkoa.

Zenbait hedabidetan azaldu dutenez, horrek ez du zuzenean ordenagailua kaltetzen, baina etorkizunean kaltetzeko balio dezake.

Kutsatuta al nago?

Zure ordenagailua kutsatuta ote dagoen jakiteko, begiratu behar den lehenbiziko gauza da ea CCleaner 32 bit-eko bertsioan ote daukazun –64 bit-eko bertsioa ez da kaltetua izan–. 32 bit-eko bertsioa baldin badaukazu, abuztuaren 15an kaleratutako bertsioak dira kaltetuak, CCleaner-en 5.33.6162 bertsioa edo CCleaner Cloud-en 1.07.3191 zenbakiduna.

Beheko irudian ikus dezakezu non agertzen diren datu horiek.

Zer egin horren aurrean?

Aipatutako baldintzak betetzen baldin badituzu, adituek gomendatu dute zure ordenagailuko sistema abuztuaren 15a baino lehenagoko egoerara itzultzea, babes-kopia baten bidez. Horrez gain, antibirusa pasatzea gomendatzen dute bai sisteman, bai babes-kopietan, software kaltegarririk geratzen ez dela ziurtatzeko.

Bestela, CCleaner-en jabe den Avast enpresak jakinarazi duenez, memoria garbitzeko programaren azken bertsioa instalatuz ere ezabatzen da software kaltegarria.

Kanal honetan artxibatua: Teknologia berriak

Teknologia berriak kanaletik interesatuko zaizu...
2018-06-08 | ARGIA
Facebookek publiko egin ditu 14 milioi erabiltzaileren mezu pribatuak

Maiatzaren 18 eta 27a bitartean softwarean emandako "akats" baten ondorioz, txat eta talde itxien bidez erabiltzaileek bidalitako mezuak publiko egin dira.


2018-06-07 | Librezale
Mastodon: Fedibertsora euskaraz

Fedibertsoa elkarrekin bateragarriak diren gizarte-sare federatu libreen ekosistema bat da. Hainbat zerbitzaritan eta saretan egonda ere, erabiltzaileak elkarrekin komunikatzen dira federazioari esker.


2018-05-27 | Lander Arbelaitz
Masiboki zelatatutako gizartea

“Denbora askoan, erabat zelatatutako mundu baten ideia erokeria utopiko edo paranoiko gisa hartu izan da, teoria konspiratzaileekin obsesionatutako jendearen irudimen aluzinatua. Hala ere, egiari zor: hemen eta orain Zelataren Inperio antzeko baten kontrolpean bizi gara. Gu konturatu gabe, geroz eta behatuago, espiatuago, zelatatuago, kontrolatuago, fitxatuago gaude.


2018-05-02 | Miren Osa Galdona
Twitterrek ere datuak saldu dizkio Cambridge Analyticari

Facebookek egin bezala, Twitterrek ere erabiltzaileen datuak saldu dizkio aholkularitza enpresa berberari. Hala ziurtatu dio The Telegraphi, baina ezberdintasun batekin: Facebookek ez bezala, txoriaren sare sozialak ez ditu erabiltzaileen datu pertsonalak saldu.


2018-04-27 | ARGIA
Muy Bastas orria ezabatu du Facebookek, mezu feministak zabaltzeagatik

Sareko umore politikoa zabaltzen duen kontu anonimoa da Muy Bastas, Facebooken 280.000 jarraitzaile inguru dauzka, Euskal Herrian jarraitzaile gehien duen orrietako bat. Twitterrez informatu dutenez, besteren artean, Irantzu Varela ekintzaile feministaren txioak zabaltzeagatik indargabetu du enpresa multinazionalak.


2018-04-24 | Sustatu
Sant Esteve de les Roures (edo Doneztebe-Hariztieta), fikziozko herri independentista katalana

Guardia Zibilaren txosten batean agertu zen, martxoan, Sant Esteve de les Roures herri katalana. El Mundo egunkariak jaso zuen albistea, Guardia Zibilak 315 ekintza biolento ziurtatu zizkiola Auzitegi Gorenari, horietako batzuk, bereziki larriak, aipaturiko herrian. Baina Sant Esteve de les Roures ez da existitzen. Asmatutako herria da... edo izan da, orain Interneten bizi-bizi baitago, Twitterreko hainbat konturen bidez bizia hartu du herriak.


2018-04-04 | ARGIA
Mastodon sare sozial deszentralizatuan ere jarrai dezakezu ARGIA

Komunitateari beste informazio iturri bat eman eta sare sozial libre eta banatuen alde urrats bat emateko asmoz, Mastodonen kontua sortu dugu. Helbide honetan aurki daiteke: https://mastodon.social/@argia


2018-04-04 | Uriola.eus
Euskal bideojokoei buruzko jardunaldia antolatu dute Game Erauntsiak eta Azkue Fundazioak Bilbon

Game Erauntsia elkarteak eta Azkue Fundazioak hitzarmena sinatu dute euskaratik eta euskaraz egiten den bertako bideojokogintza kultura indartzeko. Hitzarmen honekin bertako kultura eta industria bultzatu nahi dute.


2018-04-01 | Inma Errea
Teknologiaren argi-ilunak

Gizonak –70 bat urteko erretiroduna edo– udako apartamentuko elektrizitate-tarifa aldatu nahi zuen. Langileak adeitsu azaldu zion izan bazutela horretarako tarifa egokia. Hasi ziren tramiteekin, eta langileak helbide elektronikoa eskatu zion. Gizonak harridura-keinu bat egin zuen: “Ez daukat”. Ozenki esan zuen, zain ginenok entzuteko beste. Langileak irribarretsu erantzun zion: “Benetan?”. Ordurako, irriak eta zurrumurruak hedatuak ziren bulegoan.

Sentipen... [+]


2018-04-01 | Bea Salaberri
Berri faltsuen legea

Teknologia berriek mundua itxuraldatu dute. Orain dela kasik hogei urte liluraturik geunden eskura genituen informazio iturriak ikusiz, zenbat ikasten ahal genuen bat-batean, zein indar gutxirekin ikasgaien eskuratzeko eta zenbat informazio iturri independente eta anitzetarako heldulekua genuen. Orain jada bahea jartzen ez dakienari, on eta txarraren bereizten ez dakienari, itolarri sentsazioak gaina har diezaioke.

Kezkatuko gara agian belaunaldi gazteen etorkizunaz, zeinen ezaugarrietarik... [+]


Azkenak
EGILEA
Eguneraketa berriak daude