Causa Galiza: “Independentzia legezko metodoen bidez lortu nahi dugu”

  • Jarduna urtebetez etetea agindu dio Espainiako Audientzia Nazionalak Causa Galizari, “prebentzio neurri” gisa. 2015eko urriaren 30ean Causa Galizako 9 kide hartu zituzten atxilo, “komunikatuak hedatzea, terrorismoa goratzea eta Exercito Guerrilheiro do Povo Galego Ceiveko terroristak gorestea” egozten diete, besteak beste. Akusatuek prentsaurrekoa eskaini zuten astelehenean Madrilen.


2016ko otsailaren 12an - 11:28
Bere jarrera ideologiko eta politikoari eutsiko diela adierazi du Causa Galizak. (Arg: Causa Galiza)

Operazio hartan atxiloturiko militante Joam Peresek talde independentistaren errugabetasuna defendatu du: “Independentzia legezko metodoen bidez lortu nahi dugu”. Bozeramailearen aburuz, ”Espainiako Estatua atzerantz doa demokraziari dagokionez; errepresioa bortizki hazi da”. Beren printzipioak defendatzen jarraituko dutela gaineratu du: “Ez gara damutzen. Gure jarrera ideologiko eta politikoari eutsiko diegu”.

Peresek zalantzan jarri du estatu eredu espainiarra: “Espainiako Estatua krisi sakon batean dago murgildurik, bere lurraldetasun eredua agortua dago. Ustelkeria kasuetan sartuta dagoen estatuak ez du legitimitate demokratikorik. Horren guztiaren aurrean ematen duen erantzun bakarra bere estatu politikaren aurka doanaren kontra neurri errepresiboak aplikatzea da”.

Bestalde, atxilotuen abokatu Guillerme Presak iragarri du ebazpen juridikoaren aurkako helegitea aurkeztuko dutela. Bere esanetan, “oso larria da Galiziaren independentziaren inguruko iritzi politikoa indarraren bitartez ezabatu nahi izatea”. “Causa Galizak gizarteko sektore murritz baten eskubide zibil eta politikoak defendatzen ditu; sektore horrek, ordea, eskubideak ditu”, gaineratu zuen abokatuak.  

Causa Galizari babesa adierazteko akimen asko antolatu dira. Horietan jendetsuena urtarrilaren 24an, polizia operazioa salatu eta talde independentistari babesa helarazi asmoz, Santiagon eginiko manifestazioa. Galiziako zenbait alderdiren babesa izan zuen mobilizazioak, tartean BNG eta Alderdi Komunistarena.  

 

 


Kanal honetatik interesatuko zaizu: Galiziar independentismoa
Burujabetza aldarrikatu dute milaka lagunek Santiagon, Galiziako Aberri Egunean

BNG alderdiak deituta, Galiziako Aberri Egunean egin dute ekitaldia. Igandean, “mugarik gabeko” nazioaren aldeko deia zabaldu dute, “politika berde eta feminista” eraikitzeko asmoz.


2020-12-22 | ARGIA
Absolbitu egin dituzte terrorismoa leporatuta epaituriko 12 independentista galiziarrak

Causa Galiza eta Ceivar antolakundeetako hamabi militante independentista epaitu dituzte Madrilgo Auzitegi Nazionalean, legezkoak eta publikoak izan diren jardueretan oinarrituz terrorismo delituak egotzita. Fiskaltzak 102 urteko kartzela zigorra eskatzen zuen denera, baita bi... [+]


2020-10-16 | Z. Oleaga
Galiziako independentismoaren aurkako makroepaiketa Madrilen
"Disidentzia politikoa zigortzen duten lege batzuk daude, eta lege horiek sutsuki aplikatzen dituzten epaileak"

Urriaren 19an makroepaiketa bat hasiko da Madrilgo Auzitegi Nazionalean. Hiru egunez Causa Galiza eta Ceivar antolakundeetako hamabi militante independentista epaituko dituzte, terrorismo delituak egotzita, legezkoak eta publikoak izan diren jardueretan oinarrituz. 102 espetxe... [+]


102 urteko espetxe zigorra eskatu du Auzitegi Nazionalak hamabi independentista galiziarrentzat

Akusatuen zigorraz gain, bi plataformen disoluzioa eskatu du auzitegiak. Terrorismoaren goratze delituak egin dituzten erakundeetan parte hartzea leporatzen diete. Akusatu bakoitzarentzat lau eta hamabi urte arteko espete zigorrak eskatu du Fiskal Nagusiak.


2019-07-15 | ARGIA
Erakunde armatuko kidetza delitua kendu diete Causa Galizako bederatzi auzipeturi

Guardia Zibilak polizia operazio egin zuen 2015ean, Causa Galiza erakunde armatu baten “beso politikoa” zela argudiatuta. Espainiako Auzitegi Nazionalak akusazioa beheratu die orain, eta terrorismoa goratu izana leporatzen die militante independentistei. Causa... [+]


Eguneraketa berriak daude