Aurreikusitako epeak bete izan balira, uda baino lehen bukatu behar zen bi erakunde horiek eskuratzeko enkantea. Atzeratzearen arrazoia zera da: bi finantza-erakundeen benetako egoera zein den jakin nahi duela Espainiako Bankuak, zenbat kapital beharko duten eta zenbat aktibo toxiko dauzkaten. Bitartean, BBOFk dio bi erakundeen bideragarritasuna ziurtatuko duela.

Batzuen aburuz, aktibo horiek likidatu eta erakundeak onbideratu ostean jarraituko du aurrera enkanteak. Javier Ariztegi Espainiako Bankuko gobernariorde ohiak maiatzaren bukaeran adierazi zuen higiezinekin lotutako 4.500 milioi euroko saneamenduak egin behar dituztela bia CatalunyaCaixak, bai Valentziako bankuak.

Kutxabankek Herrialde Katalanetako kutxa hori erostea kezkagarritzat jo dute askok. LAB sindikatuak maiatzaren 15ean salatu zuenez, operazio hori gauzatu ahal izateko beharko lituzkeen baliabideak modu bakarrean lor daitezke: Euskal Herriko enpresa estrategikoetan daukan parte hartzea salduz. Ekai Center ikerketa zentroak ere operazio horrekin kritiko agertzen den txostena argitaratu du berriki.