CANen auzian, Mirandak deklaratu behar du gaur
Álvaro Miranda Nafarroako Gobernuko Ekonomia eta Ogasun kontseilari-ohia CAN auzian inputatu bezala deklaratzera deitua zegoen gaur goizeko 10:00etan.
Dagoeneko deklaratu dute kasuan inputatuak dauden beste bi politikariek: Miguel Sanz Gobernuko presidente ohiak aurreko ostiralean, eta Iruñeako alkate Enrique Mayak atzo.
Goizeko 9:00ak igarota iritsi da kontseilaria justizia auzitegira. Eraikinaren sarreran Kontuz! kolektiboak elkarretaratzea deitu du ordu horretan. “Lapurtu dutena itzul dezatela” eta “Lapurrak instituzioetatik kanpora!” oihupean egin diote harrera Mirandari.
Kasuaren epaile María Paz Benitok Sanz, Maya eta Miranda (UPN alderdikoak denak) inputatu zituen, CANeko organo ezezagun bateko bileretara joan eta dietak kobratu izanagatik. Hirurak ziren CANeko goi karguak, Yolanda Barcina Nafarroako gobernuburuarekin batera. Azken hau epaileak ez du inputatu, foruduna delako.
Mayak eta Sanzek deklaratu ostean, oraindik ez da jakin bilera horiek zeinek antolatu zituen.
Kasuan nahasturik dauden lau goi-karguek dietetan irabazitako zati bat itzuli egin dute dagoeneko: Mayak 6.868 euro, Mirandak 27.472 euro, Barcinak 31.324 euro eta Sanzek 39.028 euro.
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.