Calaiseko 'Jungla'-tik bi urratsera 'Heroic Land' atrakzio parkea eraiki nahi dute

  • Frantziako agintariek 2.000 poliziaren ekinez Calaisko kanpalekutik 6.000 iheslari kanporatu eta Jungla suntsitzeko badaukate, asko aipatu diren arrazoiez gain, orain arte itzalean egon den beste bat: txabolategitik bi kilometrotara Heroic Land parke tematikoa eraiki nahi dute. Hilabeteotan Txinatik dirua jarriko duten inbertsiogileen bila dabiltza.  

Calaisen iheslari atzerritarrak kanporatu ostean eraiki nahi duten Heroic Land parkearen ikuspegi bat promotoreek aurkeztutako bideotik hartua.

2016ko urriaren 27an - 10:22

Reporterre webgunean Bernabe Binctinek azaldu duenez, duela urte bete aurkeztu zuen Calaiseko alkate Natach Boutchartek Heroic Land atrakzio parkearen proiektua. Iazko urrian 4.000 errefuxiatu pilatzen ziren Junglan eta Calaiseko Udalak aurkitua omen zuen haiek utzitako irudi txarra konpentsatzeko modua: 2019an ireki behar duen Heroic Landek 275 milioi euroko inbertsioz 1.000 lanpostu berri sortuko omen ditu, 50 hektareako parke tematikora erakarriz urtero milioi eta erdi baino gehiago bisitari.

 

Bouchart alkatea Hauts de France eskualdeko lehendakariorde ere badenez, Estatua ere operazioan inplikatzea lortu du, Frantziako 5. parke handiena izan litekeenak inguru guztiko ekonomia biziberrituko duelako promesarekin. 

Aferak piztu ditu zenbait mugimendu politiko eta sozialen kritikak, besteren artean inguruko Colomibier-Vival natur eremu babestua mehatxatzen duelako. Baina orain artean ez dute arrakasta handiegirik lortu, Binctinek azaltzen duenez: "Gardentasunik eza are deigarriagoa egiten da jakin ostean, Marianne astekariak publikaturik, proiektuaren itzalpeko sortzailea nor den: Yann Tran Long. Egoitza Hong Kongen daukan promotore hau Fane mugimendu neonaziaren kide izana da, Afrikako meategi negozioetako mertzenario bilakatua... Polemika deserosoa azken eskualde hauteskundeetan Marine Le Peni botoen 49,1 % eman dizkion Calais hirian".


Kanal honetatik interesatuko zaizu: Azpiegitura handiak
2024-03-18 | ARGIA
EH Bizirik elkarretaratze zaratatsura deitu du Europako industria eolikoaren kongresuaren aurrean

Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.


Galizian 13 parke eolikoren proiektuak geldiarazi ditu justizia auzitegiak, ingurumenean izan ditzaketen ondorioengatik

Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]


2024-02-27 | ARGIA
Lurraren defentsan "Hamaika" erakusketa artistiko ibiltaria abiatuko dute Beran martxoaren 1ean

"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]


2024-02-27 | ARGIA
Antzuolan 200 metroko haize errota irudikatu dute giza katean

Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]


Julio Villanueva (AHT Gelditu)
"Abiadura Handiko Trenik gabeko Nafarroa posible da"

Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]


Eguneraketa berriak daude