Calaiseko errefuxiatuen kanpamentua eraisteko protestan ari dira kamioilari eta bizilagunak

  • 10.000 errefuxiatu (6.900 Poliziaren arabera) biltzen dituen kanpamentua desegitea eskatu eta segurtasun falta salatu dute Frantziako iparraldeko Calais hirian. Dunkerketik Calaisera doan A16 errepidea blokeatu dute hamarnaka kamioik eta inguruko baserritarrek eta bizilagunek giza katea osatu dute. Bitartean, Mantxako Kanaleko sarrera oztopatu du manifestari talde batek.


2016ko irailaren 06an - 12:21

“Beharrezkoa den denboran geldituko gara errepidean”, azaldu du Frantziako FNTR kamioilarien erakundeko Jean-Pierre Devignek Calaisera doan errepidearen blokeoaz galdegin diotenean, The Guardian egunkariak argitaratu duenez. Irailaren 5ean hasi dituzte protestak eta dirudienez borrokan jarraituko dute helburua lortu arte. Hots, Frantziako Gobernuak kanpamentua desegiteko eguna zehazten duen arte.

Richard Burnett Erresuma Batuko Errepideko Garraio Erakundeko burua kezkatuta azaldu da protestak izango dituen ondorioekin: “A16 errepideak blokeatua jarraitzen badu Britainia Handitik datorren garraioak oztopoak izango ditu portua uzteko”, azaldu du.

Calaiseko kanpamentuaren zati bat pasa den martxoan desegin zuen Poliziak baina oraindik milaka lagun daude bertan pilaturik, Britainia Handira joateko aukeraren zain. Merkatari eta kamioilariek salatu dute errefuxiatuek ibilgailua geldiaraztera behartzen dituztela, kamioian ezkutatu eta itsasoratuko diren ferryetan Britainia Handira ailegatzeko ahaleginetan.

Errefuxiatu askok hilabeteak daramatzate itsasoa gurutzatzeko zain, eta beste askok saiatu bai baina ez dute lortu. Udan esaterako bi pertsona hil dira Britainia Handira iristeko ahaleginetan. Bernard Cazeneuve Frantziako Barne ministroak irailaren 2an bisitatu zuen kanpamentua eta hura desegingo zuela hitzeman zuen. Haatik, ez du datarik zehaztu oraindik.

Pertsonen garraiorako Frantziako porturik garrantzitsuena da Calaisekoa. Erakunde humanitarioen arabera 900 adingabeko heldu baten zaintzarik gabe daude kanpamentuan.  


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude