Amaia Portugal, Estitxu Villamor, Ostaizka Aizpurua eta Gorka Azkune izan dira aurten zientzia eta teknologia euskaraz dibulgatzen egindako lanengatik sarituak.
Dibulgazio artikulu orokorraren saria jaso du Gorka Azkunek Garun txiki birtualak lanagatik. Hirugarren aldia du sari bera jasotzen duela.
Egilearen doktore-tesian oinarritutako dibulgazio-artikuluaren saria, Ostaizka Aizpuruak jaso du. Arrantzale bihurtu zen ehiztari hegalariaren istorioa, alegia, saguzar hatz luzeen istorioa kontatu du bere lanean.
Estitxu Villamorri egilearen doktore-tesian oinarritutako dibulgazio-artikuluaren aipamen berezia eman dio epaimahaiak. Karga-garraiorik gabeko elektronika berria izeneko lana ondu du Villamorrek.
Zientzia-kazetaritzaren arloko lanen kategorian, Amaia Portugal saritu dute Berrian argitaratutako Minimalismoa laborategian artikuluagatik. 2014an aipamen berezia lortu zuen egile berak.
Zientzia Gizartean sorkuntza-beka eman gabe geratu da, lan gutxi aurkeztu direlako eta aurkeztutakoek epaimahaiaren irizpideak betetzen ez zituztelako.
Julian Bereziartua mediku ezagunak Elhuyar Fundazioaren Patronatuak ematen duen Merezimendu Saria jaso du, medikuntzan euskara normalizatzen, eta dibulgazioan egindako lanarengatik.
Sariak maiatzaren 14an banatu ziren Zarauzko Photomuseum Argazki & Zinema museoan.
Astelehen iluntzean ibili da 23. Korrika Gasteizko kaleetan zehar, eta euskaltzaleek hiria aldarriz bete dute. Bertan izan da Natasha Rueda ere, eta prestaketa lanetan zebilela hitz egin dugu berarekin. Kolonbiarra jatorriz, Gasteizen bizi da duela 25 urtetik; Korrika pasa dela... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Saya da mayaz iyean behin igotzea. Hori esango digutelaren susmoa dut. Antigoaleko kaskamelon ni, irratian horrelakoak entzutean, zapuztu egiten naiz. Eta biloben eskolako haurrak Txipi-txapa, Korrika! oihukatzen eta berehala erdara garbiaz mintzatzen ikusten ditudanean, etsiak... [+]