Atzo banatu zituen Elhuyar Fundazioak 2010eko zientzia-dibulgazioko CAF-Elhuyar sariak. Naroa Aldanondok eta José María Rivadeneyrak dibulgazio-artikuluen kategoriako sariak jaso zituzten. Lehenengoak Antxoaren gorabeherak ikertu nahian artikulua idatzi du eta bigarren saridunaren lanaren izenburua  Merezi ote digu banda-zabalera handitzea? da. Zientzia-kazetaritzaren eremuko saria Xabier Martin Berriako kazetariarentzat izan da, neandertalei buruz Berrian egindako erreportajeagatik. Bestalde, narrazio-liburua idazteko beka lortu du Aitzol Lasak  Bizikletak izeneko lanari esker.  Jose Ramon Etxebarria fisikari eta ingeniariak Merezimendu saria jaso du.