“Buru gaixotasuna duten emakumeen aurkako indarkeriari buruzko ikerketa 2017” Fedeafes (Buru gaixotasuna duten pertsona eta senide elkarteen Euskadiko federazioa) elkarteak egin du. Lotura honetan duzuen gidak Fedeafesek 2015 eta 2016 urteetan egindako ikerketaren ondorio nagusiak jasotzen ditu. Ondoko lerroetan dituzue ondorioetako batzuk:

Buruko gaixotasun larria dutenen datuak

-4tik 3k bortizkeria jasan du etxean edo bikotean.

-%80k indarkeria jasan du bikotekidearengandik.

-%52, azken urtean, etxekoek biktimizatu dute.

-Buruko gaixotasun larriren bat duen emakumeak, ez duenak baino 2-4 aldiz arrisku handiagoa dauka bikotean indarkeria jasateko.

-Erdiak baino gehiagok indarkeria fisikoa jasan du bikote harremanean; %40 inguruk sexu indarkeria.

-Azken urtean, Buruko Osasun Sareko emakumeon erreferentziazko profesionalen erdiek ez zekiten pazientea bortizkeria jasaten ari zela

Zerk laguntzen du bortizkeria arriskua gutxitzen?

-Familia eta gizarte sarea eta babesa izateak

-Gizartean parte hartzeak.

-Pobrezian ez egoteak.

-Zerbitzu publikoek genero ikuspegia lantzeak eta emakumeen boteretzea lantzeak.

Zerk areagotzen du arriskua?

-Umetan etxean bortizkeria bizi izanak.

-Aitak amarengan indarkeria erabili izanaren lekuko izateak.

-Gaixotasuna kontrolpetik aterata izateak.

-Haurdunaldiak.