Historiako muturrekorik handienetako bat –bi eguneko jaitsierarik gogorrena– hartu dute munduko burtsek Britainia Handiko erreferendumaren ostean: hiru bilioi ("b" hizkiz idatzirik, bai) galdu dute konpainia handienek beren kapitalizazioetan. Kezka handiagoa sortu du planetako aberatsen artean Erresuma Batuari eragiten dioten libra esterlinaren jaitsierak edo zor publikoak A hirukoitzaren maila galtzeak, zer esanik ez eraso arrazistak ugaritzeak baino.
Ostiralean bi bilioi dolarretik gora galdu zituzten munduko burtsetako indize nagusiek, konpainia gotorrenen akzioak erakusten dituztenek. Astelehean kasik bilioi bat gehiago. Aditu bakar batek ere ez du zalantzan jarri gainbehera globalaren zioa dela Brexit, Erresuma Batuko herritarrek erreferendumean erabaki izana Europar Batasunetik irtetea. Bai Remain (Europan geratu) eta bai Leave (irten) aukerak sustatu dituzten politikariek, aitortu dute ez zeudela horrelako ekaitz baterako prestaturik.
Astearte goizean Europako burtsa gehienetan igoerak ageri ziren, baina aditu askoren ustean ekaitzak baretzeko itxurarik ez du. Aldagoiaren tamainaren aurrean, Brexit erreferenduma antolatu zutenek eskuak garbitu nahi dituztela esan liteke. Ekonomia ministro George Osbornek esan du, adibidez, irteteko erabakiak irabaziz gero biharamunerako plana edukitzea ez zegokiela haiei. Beste batzuk hasi dira bigarren erreferenduma proposatzen. Bai Alderdi Kontserbadoreko buruzagi batzuk, bai Britainia Handiko ekonomian indarra daukaten oligarka zenbait ere, hala nola Richard Branson.
Bitartean, Erresuma Batua Europar Batasunarengandik dibortziatzeko mekanismoa, Lisboako itunaren 50. atala, abian jartzea inork ez du eskatu, eta gero eta epe luzeagoak aipatzen dira horretarako, goizena hauteskunde berrien osterako. Brexit enbatak atal asko eta nahasi bezain ikusgarriak eduki behar ditu. Euskal Herrian ere bai: nork uste behar zuen ingelesen erabaki batek burtsako astindurik handiena IBEX 35eko konpainiei eragingo zienik?
Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]
Negoziaketa prozesu luzearen ondotik, Erresuma Batuak eta Europako Batasunak Brexit-aren gaineko akordioa lortu dute azken minutuan.
Europako Batasuna 1993an sortu zenetik kide berriak gehitu dira bata bestearen atzetik. Joan den ostiralera arte 28 estatuk osatu dute makro-egitura politiko eta ekonomiko hori. Izan ere, urtarrilaren 31 historiara pasako da, EBk izan duen lehen zatiketaren eguna izan delako... [+]
Otsailaren lehenean bereizi dira Erresuma Batua eta Europar Batasuna.
Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]