Elena Liberatori epaileak Buenos Airesko udal gobernuari debekatu dio hondakinak erre ahal izatea. Udalak joan den maiatzean ezkutuka eta eztabaida publikorik gabe bozkatu zuen zaborren errausketa baimenduko lukeen lege aldaketa eta orain auzitegiak agindu dio horrelakorik ebaztekotan eztabaida eta bozketa publikoz egin behar duela.
Jokoan zazpi erraustegi daude, hondakinen kontratista pribatuak ez dira bromatan ibiltzen. Baina oraingoz itxarotea egokitzen zaie, Argentinan bederen. Buenos Airesek 2005etik dauka Basura Cero [Zero Zabor] legea ezarrita. Orain, 2005eko legeak ezarritako lehentasunak bete gabe dirauen bitartean, zerbitzu publikoen kontrata pribatuen eta erraustegien multinazionalen presioz, udalak legea aldatzeko asmoa zuen konpainia horiei sarbidea irekitzeko. Maiatzaren 3ko gau-erdian hartu zuen udal gobernuak bere deliberoa, garrantzia horretako erabaki batek aurretik eskatzen duen jakinarazpen publikoa eta eztabaida saihestuz.
Ondorengo hilabeteetan gogor mobilizatu dira hondakinen gaikako bilketa eta birziklatzetik bizi diren cartonero jendeak. Munduko beste leku askotan bezala, Argentinan ere oso borrokalariak dira Federacion Argentina de Cartoneros y Recicladores elkarteak biltzen dituen kaleko hondakin-biltzaileok eta beren mobilizazioekin lortzen ari dira gero eta gehiago beren lana ogibide arautu bihurtzen joatea. Erraustegiek muturra sartzeak ekarriko luke, beste hainbat kaltez gain, beren lanbideen galera ere. Kaleko biltzaileok lan handia egin dute hilabeteotan hondakinen gaikako sailkatzearen garrantzia eta errausketaren kalteak herritarrei jakinarazten.
Francisco aita santu katolikoa sarritan mintzatu da cartonero birziklatzaileon alde. Hala egin zuen Argentinan Bergoglio apezpikoa zenean eta hala egin zuen publikoki berriro bideoz 2013an:
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]
Bi urtean 5.000 tona lixibiatu baino gehiago prozesatu ditu Ecofert Sansoain enpresak