Ipar Euskal Herrian etxegintza enpresek duten konpetentzia salatu du BTP en Colère kolektiboak

  • Ipar Euskal Herriko eraikuntza enoresak BTP en Colère kolektiboan elkartu dira bertako hargintza enpresen konkurrentzia salatzeko.


2014ko otsailaren 19an - 00:00
Azken eguneraketa: 2015-02-26 13:37:33
Ipar Euskal Herrian hargintza sektorean ematen den "lehia desleiala" salatzen du BTP en Colère kolektiboak. Argazkia: Euskal Irratiak

Eraikin eta obra publikoetako kontratazioak egiterako garaian Hegoaldeko zein Frantziako Estatuko enpresen konpetentzia salatu du kolektiboak. Etxegintzako hainbat enpresa biltzen dira bertan, gaur egun ematen den “lehia desleiala” salatzeko.

Kolektiboaren izenean Kristof Jauregiri elkarrizketa egin diote Euskal Irratietan. “Egoera jasangaitza bihurtzen ari da, batez ere kostaldean biziki kaltegarria da momentu honetan. Egoera emendatzen ari dela ikusten ari gara”

“Hemen lanak eskaintzen dituztenak Hegoaldetik etorritako langileak kontratatzen dituzte”, salatzen du Jauregik. “Lan publikoetan ere kanpotik etorritako enpresa horiek sartzen direla azpimarratu nahi dugu”.

Atzerritik etorritako langileak baldintza txarretan kontratatzen direla salatzen dute. “Baldintza hauetaz ohar daitezen nahi dugu, eta denok biltzen bagara baldintza hauek aldatzea posible ikusten dugu. Ez da gure xedea bata bestearen aurka jartzea, gurekin lan egitea nahi dugu”.

“Horrela segitzen badugu hemengo lantegiak itxi egingo dira”. Politikariek ikuspegia aldatu behar dutela diote, bertako langileak langabezian geratuko direlako bestela. Ekintza hauek ondorioak ekarri dizkiete kolektiboko kideei, promotoreengandik lana kentzeko mehatxuak jaso baitituzte. “Denak bildu eta zinez horren kontra joan behar gara, promotoreen jokoa salatu behar dugu”.

Ipar Euskal Herrian udal hauteskundeak gertu dira eta neurriak hartzeko eskatzen dute kolektibotik. Herriko etxeen eta politikarien jarrerak garrantzitsuak direla uste dute, bereziki garai honetan. Hainbat enpresei elkarrekin biltzeko dei egiten dute. Kolektiboarekin harremanetan jartzeko btpec64@gmail.com edota facebook bidez.

 


Irakurrienak
Matomo erabiliz
Azoka
Kanal honetatik interesatuko zaizu: Etxebizitza eskubidea
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Sei urteko espetxe zigorra eskatu dute bizkaitar baten aurka, etxegabetze bat gelditzen saiatzeagatik Bartzelonan

Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]


2024-02-26 | ARGIA
Eusko Jaurlaritzak helegitea jarri dio Espainiako Estatuko Etxebizitza Legeari

2023ko uztailean aurkeztu zuen helegitea, eta sei hilabetez Espainiako Gobernuarekin elkarrizketak izan ondoren, ez dira akordio batera iritsi, eta Eusko Jaurlaritzak adierazi du “helegitea jartzera behartu” dituztela. Eskumenak urratzea argudiatu du Jaurlaritzak. EH... [+]


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


Eguneraketa berriak daude