Tolosaldeko emakume taldeek brigadak antolatu dituzte Irurako San Migeletako bi larunbatetan.
Brigadak antolatuko dituzte eraso sexistak saihestu eta etxera buelta beldurrik gabe egin ahal izateko. Izan ere, emakume jaiotze hutsa beldur zenbait sentitzeko arrazoi da, Irurako eta Anoetako emakume taldearen iritziz: «Bortxatze horiek herrietako jaietan gertatzen dira sarri, eta matxismoaren icebergaren punta besterik ez dira».
Horrela, emakume zein gizonen parte hartzeari dei egingo diote brigada horietan. Anoetaraino zein geltokietaraino laguntza eskainiko dute bi larunbatetan, 00:00etatik 6:00etara. Horretarako, 632 445 333ra deitu beharko da; aldiz, eraso sexistaren bat salatu nahi duenak 669 300 447 telefonora dei dezake.
Txosnan ere egongo da zenbakia, eta karparen ondoan elkargune morea jarriko dute; bertan elkartuko dira telefonora deitzen dutenekin. Azkenik, trinketerako bidean dagoen tunelean pankarta esekiko dute, puntu beltza delako.
Albistea Tolosadeko Atariak argitaratu du eta CC-by-sa lizentzia baliatuta ekarri dugu ARGIAra
Azaroaren 30eko Greba Orokorretik "indartuta" eta "saretuta" atera dira feministak. Jone Gil Landaburu, Euskal Herriko Mugimendu Feministako kideak nabarmendu du horri esker mugimendu feministak zaintzaren auzia erdigunean jarri duela. Horrez... [+]
Mugimendu feministak deitutako manifestazioan bildu dira ehunka pertsona, Iruñeko Alde Zaharretik Sanfermin bezperan. Eraso matxistarik ez dutela onartuko adierazi dute.
Orain dela zenbait urte, lagun batek hainbat gogoeta partekatu zuen nirekin, digitalizazioa eta zaintzari lotuta. Eskarmentu handiko emakumea da, munduan bere izateak zauri txikiena egiteko bidean, izan behar dituen bizitza on baterako jokabideak oso barneratuta dituena. Eremu... [+]
Zure aurrean dago pertsona hori, apur bat ozen esaten dizuna, zuri, berak ez duela feminismorik behar. Gizona izan daiteke, emakumea ere bai… Bere burua ezkertiartzat ere har dezake. Edozein dela ere, berak gauza batzuk badakizki jada, zuk baino dezente gehiago. Zu... [+]