Brexit "gogorra", leiho berri bat Eskozia independentea EBn geratzeko?

  • Eskoziako  independentziaren inguruko bigarren erreferenduma prestatzen ari da SNP alderdia. Horretarako atzerriko laguntza beharrezkoa dute.


2017ko urtarrilaren 26an - 10:11
Manifestari bat Eskozia EBn geratzeko eskatzen (Arg.: losandes.com)

Erresuma Batuko Auzitegi Gorenak urtarrilaren 24an ebatzi du Brexita abiarazteko orduan parlamentariek badutela zeresana. Lisboako Itunaren 50. Artikulua, Europar Batasunetik ateratzea ahalbidetzen duena, eztabaidagai da egunotan eta auzitegiaren erabakiak eragina du Eskozia, Ipar Irlanda eta Galesen ere: Brexitaz erabakitzeko aukera ukatu zaie.

Horren aurrean, Eskoziako lehen ministro Nicola Sturgeonek eskoziarrek bere etorkizunari buruzko erabakiak hartzeko garaia dela adierazi du: “Gero eta argiago dago hau Eskoziak egin beharreko hautua dela”. Halere, Sturgeonek jada ezeztatu du 2017an bigarren erreferendum bat egiteko aukera.

Brexit “gogorraren” ideia, hau da, merkatu bateratutik ateratzea gauzatzen den jakin arte ez da erreferendumaren aterik irekiko. Dudak dituzten hautesleak ez lirateke erreferendumaren alde agertuko hori baieztatu arte, New Statesmanen arabera.

Bere burua Europar Batasunaren barnean nahi duen Eskoziako gobernuak Brexita burutu baino lehenago lortu nahi luke independentzia, agian 2018an. Egun independentziaren alde eskoziarren %44 dago. SNPk, ordea, kanpainaren bitartez zenbaki horiek gora egitea espero du.

Kontuan izan behar da, Eskoziak gainontzeko Erresuma Batuko lurraldeekin dituen harreman ekonomikoetatik lortutako irabaziak Europar Batasuneko beste estatuekin lortutakoen laukoitza direla. Batasuneko aliatu ekonomiko nagusia Espainiako Estatua da, Eskoziaren independentziaren aurka kanpaina egin dezakeena, Kataluniaren independentzia-prozesua dela eta.

Irlanda izango litzateke bigarrena eta SNPk harreman ona du bertako gobernuarekin. Azkenik, Alemania. Eskoziarren ustez alemaniarrak gustura daude bizi duten egoeraren aurrean. Manfred Weber Europako Alderdi Popularreko presidenteak Brexitaren bozketaren ondoren honakoa adierazi zuen: “Geratu nahi dutenak ongi etorriak dira Europar Batasunean”. Alemaniako Europar Batasunerako Gaien Batzordeko presidente Gunther Krichbaumek ere antzeko hitzak erabili zituen.


Kanal honetatik interesatuko zaizu: Eskozia
Gas eta petrolio ustiaketarako 100 lizentzia eman ditu Erresuma Batuak

Segurtasun energetikoa hobetzeko “diktadore kanpotarren” menpe ez egotea dela "onena" azaldu du lehen ministroak. Oposizioko alderdiek eta talde ekologistek erabakia arbuiatu dute.


2023-06-12 | Leire Artola Arin
Nicola Sturgeon Eskoziako lehen ministro ohia atxilotuta izan dute zazpi orduz

Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.


2023-03-27 | Leire Artola Arin
Humza Yousaf izango da Eskoziako lehen ministro berria

SNP alderdi independentistako buru eta Eskoziako lehen ministro Nicola Sturgeonek otsailean dimititu zuen, eta horrek gertukoen zuen Yousaf hautatu dute haren ordezko gisa SNPko militanteen %52k; botoen %48 lortu du Kate Forbes ebanjelistak.


Nicola Sturgeonen dimisioa: erantzunik gabeko galderak Eskoziarentzat eta SNPrentzat

Jacinda Ardernek duela aste batzuk Zeelanda Berriko lehen ministro kargua utzi zuenean, Nicola Sturgeonek boto-emaileei esan zien oraindik asko zuela egiteko. Baina, dirudienez, Eskoziako lehen ministroa bere etorkizunaz hausnartua zen. Hala aditzera eman zuen Eskoziaren zati... [+]


Nicola Sturgeon Eskoziako lehen ministroak dimisioa eman du

SNP Eskoziako Alderdi Nazionaleko burua 2014ko azarotik da Eskoziako gobernuburu. Eskozian erreferenduma egitearen alde egin du lan, besteak beste. Asteazkenean eman du erabakiaren berri, prentsaurrekoan.


Eguneraketa berriak daude