Bost sexu eraso salatu dituzte asteburuan Lezon, Errenterian, Getxon eta Barakaldon

  • Bost emakumek salatu dituzte sexu erasoak asteburuan. Elkarretaratze eta manifestazioak izan dira horiek salatzeko.


2016ko uztailaren 26an - 09:19
Uztailaren 25ean egin zuten agerraldia mugimendu feministak eta hainbat eragilek Errenterian, bi sexu erasoak salatzeko. (Argazkia: @errenteriahitza)

Lezon eta Errenterian, madalenetan, hiru emakumek salatu dute sexu erasoa. Uztailaren 24an goizaldean adingabe bati eraso egin zion gizon batek Lezon. Bizilagunen esku hartzeari esker alde egin zuen erasotzaileak. Errenterian bi emakumeri kalean eraso diete bikotekideak eta bikotekide ohiak. Lehena atxilotu egin dute eta bigarrena identifikatu.

Uztailaren 25ean egin zuten agerraldia mugimendu feministak eta hainbat eragilek Errenterian, bi sexu erasoak salatzeko. Lezon herritarrek izandako jarrera txalotu zuten eta eraso orori erantzuna ematera deitu. Gaualdean manifestazioa egin zuten. Lezon uztailaren 27an egingo dute elkarretaratzea, iluntzean, Gurutze Santuaren plazan.

Getxon eta Barakaldon ere salatu dituzte sexu erasoak bi emakumek. Auto baten barruan egin zion eraso emakumeari gizon batek uztailaren 23an Barakaldon, eta oihuak entzun ondoren bizilagun batek udaltzaingoari emandako abisuari esker atxilotu dute erasotzailea. Uztailaren 25ean egin zen manifestazioa, udalak deituta. Egun berean salatu zuen emakume batek Getxon hainbat gizonek eraso egin ziotela. Oraindik argitzeke dago zer gertatu zen.

 


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude