'Borrokak' izango ditu ardatz aurtengo Getxophoto jaialdiak
Abuztuaren 28tik irailaren 29ra bitartean izango da Getxophotoren zortzigarren edizioa. “Borrokak” izenburupean, duintasun eta askatasunaren aldeko gudak izango ditu ardatz aurtengo jaialdiak. Horien irudikapen bisualean oinarritutako 20 argazkilariren lanak bilduko ditu.
Ereagako hondartzatik Algortako Portu Zaharrera bitartean hartuko du Getxophoto jaialdiak tokirik handiena. Erakusketa-gelak ere izango dira, baina ez-ohiko formatuen aldeko apustua egin dute aurten antolatzaileek; besteak beste, irudiak baso-azpikotan, tela handietan eta lurrean itsatsita dituzte.
Argazkigintzako, kazetaritzako eta literatura munduko hainbat profesionalek ekintza eta tailerrak ere eskainiko dituzte hilabete osoan.
Erakusketako hainbat irudi:
Ratanakiri, Pha Lina
Kanbodiako basoetan bizi direnen guda, haien lurren deforestazio eta desjabetzeen aurka.
Memorias Revolucionarias, Martí Llorens
1936ko Espainiako Gerra Zibila.
The Hijab Series, Boushra Almutawakel
Yemengo emakumeek pairatzen duten integrismo erlijiosoaren aurkako borroka.
Fish & Ants, Mark Remissa
Kanbodiako espezien biziraupenaz.
The Pink Choice, Maika Elan
Vietnamen tabua den homosexualitatearen aldeko borrokaren isla.
2023ko Wiki Loves Monuments argazki lehiaketako hamabost irabazleak iragarri dituzte. Wikipediaren atzean dagoen Wikimedia Fundazioak urtero antolatzen du eta munduko argazki lehiaketa handiena da. Iaz 46 herrialdetako 4.700 argazkilarik parte hartu zuten, lizentzia libreak... [+]
Euskal Herrian argazkigintzan emakume aitzindaria izan zen Eulalia Abaitua Allende-Salazar (Bilbo, 1853 – Bilbo, 1943). XX. mendeko euskal gizartea erakusten digute berak eginiko argazkiek: eguneroko jardunak, lanbideak, jaiak... jaso zituen. Emakume baten begiradak... [+]
Donostiako Maria Cristina Hoteleko sarrerako eskaileretan dozenaka argazkilari elkar kolpatzen dira, argazki eta bideo kamerak eta objektibo eta lenteak daramatzaten zorroekin kargatuta. Jende multzoaren erdian emakume bakarra ageri da taldean. Ilea solte darama eta kamerarik ez... [+]
Cristina Chiquín Rodríguez argazkien bidez komunikatzen da: zer da emakume guatemaldarra izatea? Horren bilaketan datza Bilboko Bira kulturgunean aurkeztu duen erakusketak, La búsqueda (Bilaketa), izen bereko liburuaren lagin bat. Lagun Artean GKEaren bidez... [+]