Borondatezko prostituzio 'legala' bideratuko du Bartzelonako Udalak

  • Helburua sexu langileak babestea da, segurtasun eta higiene baldintza onetan ari direla ziurtatzea. Prostituten gutxiengoari eragingo dio arauak, alegia, lana borondatez egiten dutenei.


2015eko azaroaren 20an - 11:05
Gutxiengoa da prostituzioa borondatez egiten duena. Argazkia: Llibert Teixido / La Vanguardia

Bartzelonako Udalak landuko duen araudiak borondatezko prostituzioa legalizatze bidean ipiniko du horrela. Egoitzak legalizatuko dituzte eta gizatasun ordenantza aldatuko dute, isunei dagokienez behinik behin. Ia desagertu egingo lirateke isunak, borondatez ari direnek sexu lanean aritzeko eskubidea izango dutelako eta besteak (emakumeen salerosketan aritzen direnek behartuak edo behar ekonomikoak eraginda ari direnak ) biktimatzat hartuko direlako.

Udalak eskuduntza mugatuak ditu prostituzioa arautzeko, hala ere, BComú, ERC eta CUPek Ciutadans alderdiak araudia aldatzeko egindako proposamenaren alde bozkatu zuten azaroaren 17an. CiUk, PSCk eta PPk kontrako botoa eman zuten.

La Vanguardia egunkariak alderdi bakoitzak alde edo kontra egiteko emandako argudioak bildu ditu:

Ciutadans: “Helburua borondatez ari diren emakumeak babestea da, higienea eta segurtasuna bermatzea, eta lanean ari direnak borondatez dihardutela ziurtatzea”. “Eskubide sozial eta laboralak aitortu behar zaizkie, adibidez langabezia, baja eta pentsio prestazioak jasotzekoa”.

ERCren ustez, borondatezko prostituzioa arautzeak abolizioaren bidea irekitzen du eta pertsonen arteko harreman orekatu eta askeen alde egiten du.

CUPek aldarrikatu du Bartzelonako Udalak eskubideak bermatu behar dizkiela sexu langileei.

CiU: “Legalizazioak ez du arazoa konpontzen”, eta adierazi du toleranteagoak diren herrialdeetan, adibidez Herbeheretan, lege markoaren barnean prostituten %3 baino ez dela ari. Gainerakoak emakumeen salerosketan ari diren taldeen eskutan daude eta atzerrikoak dira. CiUk uste du Bartzelonako egoera oso antzekoa dela. Alderdia prostituta gehiago etorriko den beldur da. Bestalde, zalantzan jartzen du sare kriminal baten esku ez dauden guztiak borondatez ari direnik, askotan beste aukerarik ez dutelako edo bizirauteko aritzen dira.

PSC: CiUren antzeko argudioak eman ditu PSCk. Borondatezko terminoa ez du oso gustuko prostituzioa bazterketari, pobreziari eta aukera gabeziari lotuta dagoela uste duelako.

PP: Alderdi honen ustez, prostituzioa ez da lan gisa ulertu behar, lanak jendea duintzen du eta prostituzioak laidotzen.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Prostituzioa
Carolina Clemente, sexu langilea
"Puta estigma emakume guztiok kontrolatzeko dispositibo bat da"

Ogibidea eta izatea bereizi ezin bizi da Carolina Clemente (Bartzelona, 1985). Sexu langilea da, eta duela hiru urte Donostiara etorri zen lanera eta bizitzera: «Euskaldunok duzuen indarra gustatzen zait, antolatzeko eta protestarako. Nire estigma borrokatzeko inspirazio... [+]


Bi pertsona atxilotu dituzte Gasteizen emakumeak prostituitzera behartzea leporatuta

Haien ia biktima guztiak egoera irregularrean dauden atzerritarrak dira, bizirauteko euren borondatearen kontra prostituitu behar izan direnak.


2023-09-07 | Irutxuloko Hitza
Venezuelako zazpi emakume Donostiako pisuetan prostituitzeaz akusatutako talde bat epaituko dute

Irailaren 14tik aurrera, bost gizon eta bi emakume epaituko dituzte, talde espainiar-venezuelar bateko ustezko kideak, ustez egunean 24 orduz, astean zazpi egunetan, Donostiako pisuetan “edozein motatako sexu zerbitzuak” ematera behartzen zituzten Venezuelako zazpi... [+]


Sexu langileen hitzak erdigunean

Puta zikinak liburua sexu langileen baldintza materialez, burutazioez, antolakuntzaz eta problemez mintzo da. Nerea Fillatek eta Hedoi Etxartek, Katakrak argitaletxeko editoreek, Iruñean aurkeztu dute liburua.


2023-03-14 | Euskal Irratiak
Sexu langileen lekukotasunak biltzen dituen liburu baten kontra oldartu da CAPP kolektibo feminista Baionan

Katakrak argitaletxearen Puta zikinak liburuaren kontra oldartu da CAPP Collectif Abolition Porno Prostitution kolektibo feminista Baionan, Elkar liburudendan. Juno Mac eta Molly Smith idatzi liburuaren azalak urratu eta "Prostituzioa: bezeroak, bortxatzaile... [+]


Eguneraketa berriak daude