Dieudonné umoregilearen ikuskizun bat debekatu dute Bordelen sionismoaz trufatzeagatik

  • Bordeleko alkate Alain Juppek (UMP) debekatu egin du Dieudonné M’bala M’bala umoregileak hilaren 26rako programatua zuen ikuskizuna, "antisemita" delakoan.


2014ko urtarrilaren 07an - 00:00
Azken eguneraketa: 2015-02-26 13:37:33
Dieudonné umoristaren ikuskizun gehiago gera daiteke bertan behera (Argazkia: www.tvwfdc.com)

Manuel Valls Frantziako Barne ministroak igorritako zirkularra aintzat hartu eta ikuskizuna bertan behera uztea erabaki du alkateak. "Gorrotoaren enpresari txikia da Dieudonné", adierazi du Vallsek. "Ikuskizunak ordena publikoa arriskuan jar dezake", gaineratu du Juppek: "Esaldi eta eszena batzuek pertsonaren errespetu eta duintasunari eraso egiten diote".

Litekeena da Bordelekoa ez izatea bertan behera geratuko den emanaldi bakarra, Frantziako agintariek gogor kritikatu baitute jatorri kamerundarreko umoregilearen ikuskizun berria.

"Quenelle" keinua zabaldu duen artista

1991. urtean hasi zuen umoregile ibilbidea Dieudonnek. Elie Semounekin bikotea osatzen zuen: afrikarrez barre egiten zuen berak, eta judutarrez Semounek. Urteak pasa ahala, sionisten aurkako mezuek tarte geroz eta zabalagoa hartu dute Dieudonneren ikuskizunetan.

Bera izan da "quenelle" izeneko keinua ezagun egin duen artista. Esaterako, Nicolas Anelka futbolari frantziarrak keinu hori eginez ospatu zuen abenduaren 30ean West Bromwich taldeari sartutako gola.

Britainia Handiko futbol federazioak iragarri du gertaera ikertu eta Anelka zigortu ala ez erabakiko duela; eta frantziar ministro zenbaitzuk ere futbolaria kritikatu dute.

Anelkak, ordea, keinuak "benetan zer esan nahi duen" ez jakitea leporatu die bere herrialdeko agintariei: "Ez da keinu antisemita, ezta arrazista ere, antisistema baizik".


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude