Bonbardaketa gehiago abiatu dituzte Donbassen

  • Gatazkaren kapitulu berri bat piztu da Donbassen. Ekialdeko mugako Avdeevka hiria ebakuatuko dute bonbardaketen ondorioz eta Oleg Anaschenko Luganskeko herri milizien buruzagia hil dute atentatu batean. Kieven aldeko indarrek eta miliziek elkarri leporatu diote erasoen autoretza.


2017ko otsailaren 08an - 12:39

Ekialdeko mugako Aveevka hiriaren egoera bereziki kritikoa da: bonbardaketen eta oinarrizko hornigaien mozketaren eraginez 8.000 biztanle ebakuatuko dituztela jakinarazi dute autoritate ukrainarrek, 20.000 biztanle inguru dituen hirian. Aveevka puntu klabe bat da gatazkan: Donbasseko miliziek berreskuratu zuten 2014an eta ukrainar armada bereganatzen saiatu da behin baino gehiagotan, hiriaren inguruan errepide garrantzitsuak daudelako. Biolentziaren berpizte honetan Oleg Anaschenko hil dute ere, Luganskeko Herri Errepublikako miliziaren buruzagia. Ukrainar zerbitzu sekretuei egotzi zaie bonba-auto bidezko atentatua. BBCn informazio gehiago.

Indarkeria olatu berria Donald Trumen eta Vladimir Putinen arteko elkarrizketa batekin kointziditu du. Obamaren agintaldiaren bitartean Etxe Zuriak laguntza ekonomikoa eman zion Kievi eta zigorrak ipini zizkion Kremlinari, baina presidente berriarekin gauzak aldatu daitezkeela adierazi du Trump administrazioak. 

 

Minskeko akordioen urratze berria

Donbasseko gatazka 2014ko apirilean piztu zen, Ukrainako eskuineko indar nazionalistek emandako estatu kolpearen ondorioz. Urte horretako irailean Minskeko akordioak sinatu zituzten alde bietako agintariek gatazkari soluzio politiko bat emateko eta 2015eko otsailean su etena adostu zuten. Baina etengabe hautsi dute, azken aldiz abenduaren 23an.

Gerra piztu zenetik 10.000 hildako eta 22.500 zauritu baino gehiago egon dira, Donetskeko eta Luganskeko Herri Errepublikek zabaldutako datuen arabera.  

 


Kanal honetatik interesatuko zaizu: Ukraina
Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


Babes gutxi jaso du NATOko tropak Ukrainara bidaltzeko Macronen planteamenduak

Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.


Zelenski: "Ukrainako 31.000 eta Errusiako 409.820 soldadu hil dira gerran”

Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.


Eguneraketa berriak daude