'Bloody Sunday' eragin zuten soldadu britainiarrak auzipetu ditzakete

  • 41 urteren ostean, 20 soldadu atxilotu eta auzipetu ditzakete Bloody Sundayko hilketen harira. 1972ko urtarrilaren 30ean, Ipar Irlandako Derry herrian, 14 manifestari hil zituzten soldadu britainiarrek. Geroztik “igande odoltsua” deitzen diote egunari.


2013ko urriaren 22an - 00:00
Azken eguneraketa: 2015-02-26 13:37:33
Bloody Sunday eguneko irudia: soldadu bat zibil bat atxilo hartzen. (Arg: Vilaweb)

Erresuma Batuko The Sunday Times egunkariak argitaratu duenez, galdeketak egin eta hilketa kargupean epaitu ditzakete 20 militarrak. Epaitegietara joan behar izatekotan, soldaduak defendituko lituzketen abokatuak kontratatu ditu jada Erresuma Batuko defentsa ministroak.

Galdeketak, berehala

The Sunday Timesek dioenez, “berehala” egingo diete galdeketa soldadu ohiei. Ipar Irlandako poliziaren ordezkari batek, aldiz, esan du ikerketa “luzea” eta “zaila” izango dela.

Egia argitu zuen txostena

2010ean kaleratu zuten Saville txostena, Igande odoltsuaren gertakariak argitzen zituen dokumentua. Bertan islatutako datuek ahalbidetu dute soldaduen kontrako prozesurari ekitea.

Txostenean, gertakariaren aurreko bertsioak ezeztatu, eta sarraskiaren nondik norakoak azaldu zituzten: soldaduek armatu gabeko zibilei egin zieten tiro. Hamalau pertsona, beraz, “justifikaziorik ez daukan era batean” akabatu zituztela dio ikerketak.

Dokumentuan ageri da “F buruak” eta “G soldaduak” izan zirela zibil gehienen hiltzaileak; zortzi eta hamar pertsona inguru hil zituzten. Bizirik daude oraindik bi militarrak, baina ez dituzte haien izenak zehaztu “errepresaliak ekiditeko”.

Ander Leon kazetariak Bloody Sundayri buruzko erreportai mamitsua argitaratu zuen Argian.

Blody Sundayko liskarrak. (Arg: Vilaweb)Bloody Sundayko protestak. (Arg: Vilaweb)


Kanal honetatik interesatuko zaizu: Irlanda iparraldea
Udal hauteskundeak aise irabazi ondoren, Sinn Feinek Stormont desblokeatzea eskatzen du

Sinn Feinek lehen aldiz irabazi ditu Ipar Irlandako udal hauteskundeak, eta 462 zinegotzietatik 144 eskuratu ditu, duela lau urte baino 39 gehiago. Alderdi errepublikarraren ustez, horrek balio beharko luke unionismoak blokeatzen duen Stormonteko Legebiltzarra berriz... [+]


2023-04-23 | Axier Lopez
Justizia bidean?

Mende laurdena bete du Ipar Irlandako Ostiral Santuko Hitzarmenak, gatazka armatuen konponbiderako erreferenteetako bat bilakatu dena munduan. 1998ko akordioaren helburu nagusia biolentziari amaiera jartzea zen. Indarkeria izugarri apaldu da, baina ez da desagertu. Berbarako,... [+]


2023-03-01 | Leire Artola Arin
Londres eta Bruselaren arteko akordioa
Ipar Irlandako Parlamentua desblokeatuko al dute unionistek ia urtebeteren ondoren?

Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]


Irlandera, hizkuntza ofiziala estreinakoz Ipar Irlandan

2022ko abenduaren 6an Ipar Irlandako mugimendu errepublikanoaren aldarrikapen historikoetako bat gauzatu zen: data horretatik aurrera, Irlandako berezko hizkuntza ofiziala da, lehenbizikoz, Ipar Irlandako sei konderrietan.


Eguneraketa berriak daude