Bizkaiko Osakidetzako ospitale nagusietan Larrialdi zerbitzuen "kolapsoa" salatu dute sindikatuek

  • Osakidetzako sindikatuek (ELA, LAB, UGT, CCOO, SATSE, SAE, ESK, USO) adierazi dute bigarren egunez “kolapso egoeran” daudela Bizkaiko erietxe publikoetako Larrialdiak. Besteak beste Gurutzeta, Basurtu, Galdakao eta Santa Marinako ospitaleetako egoera oso larritzat jo dute, “ohe kopurua ez baita nahikoa”.

Unai Brea @unaibrea
2017ko urtarrilaren 03a
Sindikatuen protesta Osakidetzan baliabide gehiago eskatzeko, 2015ean (Arg.: Unai Brea)

Egoera kaotiko samarra deskribatu dute sindikatuek: gaixoak pasabideetan eta Larrialdien inguruetan pilatuta ohe baten zain, senideak lurrean atseden hartzen, langileak alde batetik bestera arineketan, zaintzaileak ohatila eta gurpildun aulki bila nonahi…

Basurtuko enpresa-batzordearen esanetan, astearteko goizeko 8:00etan 41 pertsona zeuden Larrialdietan ospitalera sartzeko ohe baten zain, eta eguerdian oraindik korridoreetan ziren batzuk mediku baten arretaren zain.

Beste horrenbeste gertatu da Gurutzetan ESK, SATSE, ELA, UGT, CCOO eta LABen esanetan. 24 lagun pasabideetan zaindu behar izan dituztela jakinarazi dute sindikatuok. Egoerak dagoeneko bi egun dirauela salatu dute, eta neurririk hartu ezean okerra egingo duela ohartarazi. “Hau ez da kasualitatea”, esan du ELAk prentsa ohar baten bidez, “behin eta berriro errepikatu da Osakidetzari behar adinako baliabideak emateko borondate politiko falta dela eta”.

ELA-Osakidetzako arduradun Pello Igeregik ARGIAri azaldu dionez, Gabon sasoian ordezkapenik ez egitea erabaki du Osakidetzak, eta horrek ospitaleetan ohe erabilgarri kopurua jaistea ekarri du, artatzeko langile nahikorik ez litzatekeelako egongo.

Bestalde, Lehen Arretako zerbitzuan mediku gutxiegi aritzeak ospitaleetako egoerarekin zerikusi zuzena du ELAren iritziz: “Atzeraezinezko kontsultekin betetzen dira agendak, eta gaixo kronikoei eta beste batzuei urtarril erdirako ematen zaizkie hitzorduak”. Horietako askok Larrialdietara jotzen dutela azaldu du sindikatuak.

Ospitaleetako zuzendaritzek alarma faltsua eragitea leporatu diete sindikatuei

Gurutzetako eta Basurtuko erietxeetako zuzendaritzek esan dute egunotako zerbitzua beti bezain profesionaltasun eta kalitate handiz artatu dituztela, gripa dela-eta gaixo kopurua nabarmen handitu arren.

Basurtuko zuzendaritzak “arduragabekeria” leporatu die sindikatuei, eskaera handitzen den garaian mesfidantza sortu eta Osakidetzaren irudi ona zikintzeagatik. Gurutzetak, berriz, esan du egunotako gaixo kopuru handiari behar bezala aurre egiteko neurriak hartuta dituztela jada. Erietxeko arduradunen esanetan, abian ipini dute “ospitale barruko koordinazioa, benetako beharren arabera oheak irekitzeko”, eitb.eus-ek jaso duenez.

Kanal hauetan artxibatua: Osakidetza  |  Bizkaia  |  Sindikalgintza  |  Osakidetzako gatazka

Osakidetza kanaletik interesatuko zaizu...
"Ikerketek diote sintoma psikotikoak larriago adierazten direla ama hizkuntzan"

Zer gertatzen da paziente eskizofrenikoak nola dagoen azaltzen dionean psikiatrari? Gauza bera kontatzen al du lehen hizkuntzan eta bigarrenean? Ikerketa urriek ezetz diote. Leire Erkoreka harrituta dago zein ikerketa lan gutxi egin den buruko osasunaz eta hizkuntzaz, ezaguna bada ere eragina nabarmena dela.


Osasun arloa euskalduntzeko egitekoak, EHU eta Osakidetza eskutik helduta

“Osasuna eta Hizkuntza” Udako ikastaroa antolatu dute bi erakundeek. Ekainaren 27ko jardunaren laburpena duzue ondoko lerroetan.


Anbulatorioko kartelak gaztelania hutsean egotea justifikatu du zuzendariak

Bilboko San Adrian anbulatorioan hainbat kartel gaztelania hutsean daudelako kexatu da herritar bat, eta harrigarria da osasun zentro publikoaren pertsonal-zuzendariarengandik jaso duen erantzuna: kartelak EAEtik kanpoko entitate batenak badira, “eta edukia garrantzitsua bada”, gaztelania hutsez egon daitezkeela, “gure aburuz testuaren hizkuntzaren kariaz ezin baitugu langileria eta herria informazio garrantzitsurik gabe utzi”.


Dementzia duten gaixo galestarrak euren hizkuntzan artatuko dituzte ospitalean

Ohe gainean gales hiztunak direla jarriko du, osasun langileek jakin dezaten eta hizkuntza horretan artatu ditzaten.


2017-06-26 | Xalba Ramirez
ELA, LAB eta CCOO Osakidetzak aurkeztutako 3.335 lanpostuko EPEaren kontra agertu dira

Osakidetzak, UGTk, SATSE erizain sindikatuak eta SME mediku sindikatuak adostu dute 3.335 lanpostuko EPEa ateratzea. Behin-behinekotasuna %8tik behera jaisteko beharrezko ziren 10.000 lanpostuetatik urrun egongo dela salatu du ELAk.


Euskaraz ezin bada ikasi, mediku euskaldunak nola?

Medikuntzako graduazio ekitaldian ozen esan zuen ikasleak: Medikuntzako euskarazko adarrean ematen dugu izena, baina ezin dugu euskaraz ikasi, eta guk mediku euskaldunak izan nahi dugu. Leioako campusean lehen hiru urteak egiten dituzte, euskaraz. Bigarren zikloan, ezin ordea. Hizkuntza Planak dio urte honen hondarrean derrigorrezko irakasgai guztiak euskaraz irakatsi behar direla. Onenean, Donostia Unibertsitate Ospitalean, irakasgaien %71 dira euskaraz, okerrenean, Gasteizen, %0.


ELAk salatu du Osasunbidean eta Osakidetzan behin-behineko lanpostuak %40 eta %43 direla

Sindikatuak dio Osasunbidean behin-behineko lanpostuen portzentajea %40ra iristen dela, eta Osakidetzan %43ra. “Kalitatezko osasun publikoa bermatzetik oso urrun daudela” adierazi du Ainhoa Fernandez ELAko bozeramaileak.


"Mediku zirkuituen bidez lor daiteke lehenetsitako hizkuntzan arreta jasotzea"

Bidane Petralanda Mendiola EHUko Medikuntzako ikasleak gradu amaierako lana martxoan bukatu zuen: Osasun profesionalaren eta pazientearen arteko hizkuntza-mugei aurre egiteko euskarazko asistentzia zirkuituen esperientzia. Osasungintza eta euskara lotzen dituen lehenengo lana da. Ikerketa Dublinen aurkeztu berri du, osasun arreta integratuaren inguruko konferentzian.


2017-05-26 | Estitxu Eizagirre
Emakumeen osasunaren aldeko protesta egin dute Barakaldon

Maiatzaren 28an Emakumeen Osasunaren Aldeko Nazioarteko Ekintza Eguna da. Ezkerraldea eta Meatzaldeako emakumeen 18 eragilek deituta, Barakaldoko osasun zentroaren aurrean kontzentrazioa egin dute. Osakidetzak ginekologiako aldian behingo errebisiorik ez duela bermatzen salatu dute eta osasun langileentzat formazio feminista eskatu.


Amancio Ortegak Osakidetzari egindako dohaintza kritikatu du Osaldek

Amancio Ortega Fundazioak hamalau milioi euroko dohaintza egin dio Osakidetzari eta Eusko Jaurlaritzak teknologiaren berrikuntzarako inbertituko du. Osalde, EAEko Osasunaren Eskubidearen aldeko Elkarteak esan du EAEk ez duela behar enpresari aberatsen dohaintzarik, eta osasunaren pribatizazioa kritikatu du.


Azkenak
EGILEA
Eguneraketa berriak daude