Bizkaiko Ogasuneko funtzionario bat eta Arabako guardia zibil bat espetxeratu ditzakete, herritarren datu pribatuak saltzeagatik

  • Bizkaiko Ogasuneko funtzionario bat –Fernando María I.G.–, Arabara destinatu zuten guardia zibil bat eta Bilboko detektibe pribatu bat –Aitor G.S.– dira zergadunen datu pribatuak saltzeagatik espetxeratu ditzaketen hamaika lagunetako hiru. Espainiako Estatuan aritzen zen sarearen kontrako 2012ko "Pitiusa operazioan" 76 lagun atxilotu zituen poliziak.

Jon Torner Zabala @jtorner
2017ko urtarrilaren 13a
"Pitiusa Operazioan" atxilotutako INEMeko langileetako bat / El Periódico

Auzia hainbat ataletan banatu zen, eta horietako baten parte dira epaitzen hasi diren hamaika pertsonak. Aipatu hiruez gain, tartean daude Madrilgo  Zerga-Agentziako funtzionario bat, aduana-zerbitzuetako funtzionario bat eta Kataluniara destinatutako guardia zibil bat, besteak beste. 2014an hil zen pertsona batek zuzentzen zuen sare erraldoi hori. NAN zenbakiak, etxebizitzen edota ibilgailuen inguruko datuak, kontu korronteen zenbakiak eta hamaika datu gehiago jasotzen zituen pertsona horrek, langile publikoek datu-baseetan arakatuta lortzen zituztenak.

Zeresan ugari eman zuen pertsona horren heriotza "arraroak", El Confidencial agerkariak definitu zuen moduan, Bilboko Indautxu auzoan egitekoa zen hileta-elizkizunaren inguruko kontuak tartean.

Espetxe zigorrak

Bizkaiko Ogasuneko funtzionarioarentzat 61 urteko espetxe zigorra eskatu du Bartzelonako Ustelkeriaren Kontrako Fiskaltzak, zergadunen datuak saltzeagatik. Bilboko detektibearentzat 35 urteko espetxe zigorra eskatu du, bitartekari lanak egiteagatik; eta Arabara destinatutako guardia zibilarentzat 20 urtekoa, ibilgailuen inguruko datuak emateagatik, El Correo egunkarian irakurri daitekeenez. Bartzelonako detektibe bati lau urteko espetxe zigorra ezarri zioten pasa den urrian.

Bezeroen artean merkataritza-txostenak osatzen dituzten enpresak zeuden, El Periódico egunkariak azpimarratu duen bezala.

 

Kanal hauetan artxibatua: Ustelkeria  |  Ogasuna  |  Bizkaia  |  Guardia Zibila

Ustelkeria kanaletik interesatuko zaizu...
2018-02-15 | ARGIA
UPNk errieta Alliri, Espainiako Kongresuko saioen %18ra huts egin ostean: "Ez dadila errepikatu"

UPN isilik egon da Alli auziari buruz, baina azkenean, kazetarien galderei erantzunez, ostegun honetan hitz egin behar izan du Javier Esparza alderdiko buruak: diputatuaren jarrera ez zaiola gustatzen adierazi du eta hala jakinarazi zaiola berari ere.


Lizarrako kirol hiria: inoiz egin gabeko proiektuak 14 milioi euroko zuloa utzi dezake

Lizarran duela urte batzuk kirol instalazio bat eraikitzeko operazio urbanistikoak kiebrara eraman dezake udalerria, egungo alkate Koldo Leozen (EH Bildu) arabera. Nafarroako Kontuen Ganberak kaleratu berri duen txostenak susmo horiek baieztatu baizik ez ditu egin.


2018-02-07 | ARGIA
"De Miguel" auziko tribunalak erabaki du Miren Azkaratek ez duela deklaratu beharrik

Komisio ilegalak kobratzea leporatuta Arabako EAJko goi-kargu ugari zipriztintzen dituen "De Miguel" auzian Miren Azkaratek deklaratu dezala eskatu zuen akusatuetako baten abokatuak, garai hartan Eusko Jaurlaritzako Kultura sailburu zela eta epaitzen ari diren kontratuak sail horri lotuta daudela argudiatuta. Arabako Auzitegiko tribunalak, ordea, ez du beharrezkotzat jo Azkaratek deklaratzea.


AEBetako Poliziak hainbat hildakoren eskuetan jostailuzko pistolak ipini dituela frogatu dute

Baltimoreko Gun Trace Task Force Poliziaren elite taldeko zortzi kide epaitzen ari dira ustelkeria egotzita. Epaiketak agerian utzi du polizia askoren maukapeko estrategia: gezurretazko pistolak eramaten zituzten aldean, ondoren pertsona errugabeei ipintzeko. Horrela, poliziek norbaiti tiro eginez gero, euren burua zuritzen zuten pertsona armatua zela esanez.


2018-01-29 | Hala Bedi
Arabako kudeaketa ustelaren mapa kaleratu du Adi! elkarteak

Hiriko, De Miguel, San Antonio, Ensanche 21, KREA, FCC, SWAP… Ez, Araban ez gara ustelkeriaz libratzen. Asko dira herrialdeko ustelkeria kasuak eta ADI! Elkarteak egindako mapa batetik tiraka, 12 kasu ezberdin aztertu ditugu artikulu honetan, hitz gutxitan eta modu eskematikoan bada ere. PP, PSOE, EAJ, Arabako Aldundia, Gasteizko Udala edo Kutxabank dira seinalatutako instituzioetako batzuk.


2018-01-28 | Juan Mari Arregi
Euskal Herrian ere ba al da "koskadarik"?

Egunotan hiru gertaera judizialek bat egin dute “koskadekin” edo obra publikorako kontratatzen ziren enpresei kobratutako komisio ilegalekin zerikusia dutenak.


2018-01-19 | Andoni Mikelarena
Patxi Zamora Kontuz elkarteko bozeramailea lanetik bota dute Guardia Zibilak bultzatuta

Aire laguntzaile gisa egiten zuen lan Iberia hegazkin konpainian. Guardia Zibilak hegazkinera igotzea debekatu dio ordea Kontuz elkarteko bozeramaileari. Gauzak horrela konpainiak lanetik bota du.


2018-01-17 | ARGIA
UPNren hordago ustela: 7.700 euro ordaindu behar izan dizkio Podemosi, epaitegietan galdu ostean

UPNk 7.700 euro ordaindu behar izan dizkio Podemosi, Pablo Iglesiasen adierazpen batzuen kontra jarri zuen salaketa gaizki atera zaiolako.


Xabi Alonsoren ustezko iruzur fiskalaren kasua aztertuko dute berriro

Madrilgo Auzitegiak Consuelo Madrigal fiskal nagusiaren errekurtsoa onartu du, eta Xabi Alonsoren ustezko iruzur fiskala ikertzeari berrekingo dio, El Mundo egunkariak zabaldu duenez.


2018-01-15 | Andoni Mikelarena
6,6 milioi euroko zigorra ezarri dio CDCri Bartzelonako Auzitegiak legez kanpoko komisioengatik

Kataluniako Konbergentzia Demokratikoko (CDC) diruzain ohiari lau urte eta erdiko espetxe zigorra ezarri dio Bartzelonako Auzitegiak. Harekin batera kondenatu ditu Felix Millet, Jordi Montull eta Gemma Montull Palauko arduradun ohiak.


Azkenak
EGILEA
Eguneraketa berriak daude