Bizkaiko erresidentzietako langileek greban segituko dute beste lau astez

  • Greba deialdi berria hasi dute Bizkaiko zahar-etxeetako langileek. ELA sindikatuko ordezkariek jakinarazi dutenez, beste lau astez grebara deitu dituzte. Eusko Jaurlaritzak ezarri dituen gutxieneko zerbitzuen aurkako errekurtsoa aurkeztu du Bizkaiko Foru Aldundiak "erabiltzaileen arreta bermatzeko".

Artikulu hau CC BY-SA 3.0 lizentziari esker ekarri dugu.

2017ko apirilaren 27an - 09:01
Genero berdintasunaren aldeko borroka langileen eskubideenekin uztartzen ari da Bizkaiko erresidentzietako greban Muñozen ustez (argazkia: ELA).

"Eguneroko murrizketak eta soldata zein lan baldintza gero eta okerragoak" pairatzen dituzte langileek egun. Adolfo Muñoz ELAko idazkari nagusiaren esanetan, egoera hori aldatzeko "langile asko antolatzen ari dira, bizi eta lan baldintza duinen alde borrokatzeko". Horren "adibiderik agerikoena" Bizkaiko erresidentzietan dago Muñozen aburuz, beste askoren artean. Kasu honetan, gainera, emakumeen protagonismo nagusiarekin. "Genero berdintasunaren aldeko borroka uztartzen da langileen borrokarekin". 

Asteazkenean, lau astez luzatuko diren grebaldia hasi dute Bizkaiko zahar-etxeetako langileek patronalarekin elkarrizketa eta negoziazioetan akordiorik adostu ez dutela eta. Guztira, 160. greba eguna zuten asteazkenekoa. Lan baldintzak "duinduko dituen lan hitzarmena" eskatzen dute langileek. Ondo bidean, ostiralean berrabiaraziko dituzte negoziaziorako bilerak "zentroz zentro". Sektorearen blokeoa gainditzea izango dute xede.

Asteartean Bizkaiko Foru Aldundiak administrazioarekiko auzi-prozesura jo zuen. Epaileari eskatu zion Aldundiak gutxieneko zerbitzuen gaineko erabakia hartu bitartean, Eusko Jaurlaritzak ezarritako gutxieneko zerbitzuak behin behinean bertan behera utz ditzala, beti ere Bizkaiko zahar-etxeetako "erabiltzaileen arreta bermatzeko". Orain arte %70-80 bitartekoak izan dira Eusko Jaurlaritzak ezarritako gutxieneko zerbitzuak. 

ELAk iragarri duenez, Maiatzaren Leheneko manifestazioan Bizkaiko erresidentzietako langileak "lehen lerroan" izango dira. Bilbon 11.45ean abiatuko dute protestaldia Jesusen Bihotzetik.

Albiste hau Uriolak argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Bizkaiko zahar egoitzetako gatazka
2023-10-06 | ARGIA
Bizkaiko zahar egoitzetako langileek 340 euroko soldata igoera lortu dute

Ia bi urtez 68 greba egun egin dituzte Bizkaiko zahar egoitzetako gerokultoreek. ELA eta UGT sindikatuek hitzarmena sinatu dute. 2025ean 1.800 euroko soldata jaso ahal izango dute langileek. Gerokultoreena sektore feminizatu eta prekarizatua da. Bizkaiko langileek 2016 eta 2018... [+]


Berriz ere grebara deitu dute Bizkaiko zahar etxeetako langileek, martxoaren 15etik 24ra

Bizkaiko erresidentzietako ELAko langileek salatu dute patronalak eta Bizkaiko Foru Aldundiak "bere horretan" jarraitzen dutela. "Zaintzarekin negozioa" egiten ari direla salatu du sindikatuak.


Grebaren azken egunean, Bizkaiko erresidentzietako langileek ez dute baztertzen lanuzte gehiago egitea

Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]


2021-12-13 | ARGIA
Bizkaiko zahar egoitzetako langileek greba egingo dute lan baldintza hobeagoen alde abenduaren 14an

LAB eta ELAk greba deialdia egin dute abenduaren 14rako eta Bizkaiko zahar egoitzetako 5.000 langile deitu dituzte. Ez dute hitzarmenik adostu urtebete luzeko negoziazio mahaietan.


Eguneraketa berriak daude