Alicia hiltzeagatik, Arabako Lurralde Auzitegiak bizi osorako espetxealdi berrikusgarriarekin zigortu du gizonezkoa. Euskal Herrian lehen aldiz ezartzen da halako zigor bat. Haurraren ama hiltzen saiatzeagatik berriz, zazpi urteko espetxe zigorra ezarri diote.

Jazoera eman bitartean gizonezkoak gaitasun mentalak murriztuak zituela arrazoitu du akusatuaren abokatuak. Auzitegiak bertsio hori baztertu egin du eta aipatu zigorra ezarri dio, fiskaltzak eta akusazio partikularrak eskatu bezala. Zigorra berrikusi aurretik, 25 eta 35 urte arteko espetxealdia bete beharko du gizonak.