Bixente Ameztoyren unibertsoa Donostiako Koldo Mitxelenan

  • Bixente Ameztoy margolari donostiarraren pintura eta obra grafikoak Donostiako Koldo Mitxelena kulturunean izango dira ikusgai martxoaren 23ra bitartean. Erakusketaren harira, Ameztoyk 1978an Zeruko Argiarako egin zituen 36 azalak plazaratu ditu ARGIAk.


2013ko otsailaren 08an - 00:00
Azken eguneraketa: 2015-02-26 13:37:33
Bixente Ameztoyk Zeruko Argiarako egin zuen azaletako bat.

Etxe-Ondotik izeneko erakusketan 50 pieza baino gehiago bildu dituzte. "Unibertso paregabe bat azaltzen digute, non paisaiak eta itxura hiperrealista duten pertsonaiak nahasten diren, animaliekin edo metamorfosia jasaten duten landareekin", idatzi dute Koldo Mitxelenaren webgunean: "Berak zioen pertsonak eta paisaiak zituela inspirazio iturri nagusi, batez ere paisaiarekin lotura zuzena zuten pertsonak. Margoketa azkarra ematen zen garaian, 70. hamarkadan Saura edo Tapiés bezalako artisten informalismoa arrakasta zuenean, Ameztoyk egindako lan zehatzek harridura sortzen dute".

ARGIAren azalak

Ameztoyk 1970eko hamarkadaren amaieran Zeruko Argiarako egin zituen 36 azalak karpeta batean bilduta plazaratu ditu ARGIAk. Webgunearen bidez eros dezakezue: hapidedunek 15 eurotan eta gainontzekoek 20 eurotan.


Kanal honetatik interesatuko zaizu: Pintura
Van Goghen koinata eta fenomenoaren ama

Bussum (Herbehereak), 1891ko azaroaren 15a. Johanna Bongerrek (1862-1925) zera idatzi zuen bere egunerokoan: “Urte eta erdiz lurreko emakumerik zoriontsuena izan nintzen. Amets luze eta zoragarria izan zen, amestu litekeen ederrena. Eta ondoren sufrimendu izugarri hau... [+]


2023-09-17 | Julen Azpitarte
Beste munduko margolanak

Hilma af Klint (Solna, 1862 – Danderyd, 1944) artista suediarra pintura abstraktuaren sortzailetzat jotzen da egun, baina Vasili Kandinskiren aurretik, bere obra abstraktua ezkutuan izan zen 1980ko hamarkadaren erdira arte. Milaka margolan, testu eta koaderno sekretupean... [+]


Ekilore-zopa

Klimaren aldeko ekintzaile batzuek Van Goghen Ekiloreak koadroari zopa poto bat jaurtitzeaz, lehenbizi, zera esan behar da: munduko intentziorik onenarekin egindako ekintza izan dela. Bigarrenik berriz, aurrekoari erantsi behar zaio munduko intentziorik onenak ez duela askorik... [+]


Esnezaleak ezkutatzen duena

Johannes Vermeer margolariaren artelan ezaguna eskaneatu dutenean ezusteko elementu batzuk azaldu dira, egileak gero kendutakoak.


Eguneraketa berriak daude