'Billy el Niño'-k plusa kobratzen du pentsioan, frankismoko "polizia merituengatik" domina jaso zuelako
Frankismo garaian herritar ugari torturatzeagatik auzipetuta dagoen Jose Antonio Gonzalez Pacheco Billy el Niño-k pentsioan %15eko gehigarria dauka 1977an domina jaso zuelako, hala onartu Espainiako Barne Ministerioak.
Memoria historikoa berreskuratzeko Espainiako Estatuko elkarteak eskatuta, informazio hori baieztatu du ohar bidez Barne Ministerioak, El Diario.es egunkariak argitaratu duenez. Pachecok plusa kobratzen segitzen du pentsioan, polizia inspektore izan zen urteetan Martin Villak ezarri zion domina tarteko.
Billy el Niño frankismoaren krimenen kontrako kereilan auzipetuta dago, Poliziaren Zuzedaritza Nagusian lagun askori tortura basatiak egin izana salaturik, horietako asko Euskal Herrikoak. Bere kontra kereila jarri dutenetako zenbaitek sexu erasoak ere egin zituela azaldu dute.
Urte horietan egindakoagatik Francoren erregimeneko Gobernazio Ministro Rodolfo Martin Villak domina jarri zion 1977ko ekainaren 13an, Espainian hauteskunde demokratikoak egin baino bi egun lehenago. Oraindik frankismoren arranoa daraman orduko buletin ofizialean irakur daitekeenez, 1964ko lege baten artikulua erabili zuten Pachecori Polizia Merituaren Zilarrezko Domina ezartzeko.
Barne Ministerioak azaldu duenez, salaturiko torturatzaileak jasotako dominak berekin dakar %15eko biziarteko pentsioa, "14 ordainsari eta hirurtekoak" kontuan edukita.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
.jpg)
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]