Bilbotik Madrilera oinezko martxa aldarrikatzailea egingo dute pentsionistek
Pentsionisten Kolektiboak irailaren 23tik urriaren 16ra, Bilbotik hasita Madrilera arte helduko den oinezko martxa antolatu du.
Pentsionisten manifestazio bat Bilbon (argazkia: Uriola).
Azaldu dutenez, 22 etapaz osatutako martxa izango da, deskantsurako tartearekin. Momentura arte 20 pertsonek eman dute izena.
Ekimenean parte hartzeko deialdia zabaldu dute, halaber ibilbide osoa oinez egin nahi ez duenak, bidearen zati bat besterik egiteko aukera izango du. Furgoneta zein beste edozein ibilgailutan joan nahi duenak ere ekimenarekin bat egingo duen furgoneta taldearekin joateko aukera izango du.