Rajoyren dimisioa eskatuz bilbotar batek hasitako gose greba zabaltzen ari da
Jorge Arzuaga Bilboko gaztea gose greban dago Madrilgo Puerta del Solen “Mariano Rajoyren Gobernua erori edo hauteskundeak aurreratzen dituzten arte”. Ekimen horri beste lau lagun gehitu zaizkio eta jada bost dira protestan ari direnak.
Krisi ekonomikoaren aitzakian “ongizate Estatua” deuseztatzen ari direla salatu nahi dute. Egun hauetan, jende asko hurbildu da Arzuagaraengana berarekin hitz egin edo babesa ematera. Twitterren ere #MotivosdeJorge etiketa sortu da taldeari animoak emateko.
25 urteko gazte bilbotarrak ingeniaritza bat ikasi du baina ez du lan etorkizunik ikusten. Bazterketa sozialarekin zerikusia duten proiektuetan ibilia da; eta India eta Perun borondatezko lanak egin ditu. Horrek “beste errealitate batzuk ezagutzeko” balio izan diola aitortu du. M15 mugimenduan ere parte hartu izan du, batez ere Unibertsitate esparruan.
Arzuagaren aburuz, hainbat urte manifestazioetara joaten ibili eta ezer lortzen ez dela ikusita, “haratago joateko unea” da. Dioenez borroka baketsuaren aldeko hautua egin du eta hausnarketa horren ostean abiatu du gose greba. Helburu gisa Espainiako Gobernuaren dimisioa duen arren, ekimen horrekin “herriak duen etsipena eta beldurra alde batera uztea” lortu nahi du.
David Lloyd, V for Vendetta komiki ezagunaren sortzaileetako bat, Gasteizen izango da otsail hasieran. Ignacio Aldecoa kultur etxeak eta Caracola Comic-ek hiru eguneko jardunaldiak antolatu dituzte komiki horren inguruan.
18-26 urte bitarteko hamalau auziperatuei, desordena publikoak, kalteak, lesioak, erresistentzia eta autoritateari eraso egitea leporatzen diete. 15M libertad izeneko babes kolektiboak absoluzioa eskatu du.
Ideia sakonak ulergarri eta ukigarri egiteko gaitasun harrigarria dauka Marina Garcés filosofo kataluniarrak (Bartzelona, 1973), pentsamendua eguneroko bizipenekin konektatzeko argitasuna; eta bizi ditugun garai nahasi hauetan, jarrera bat: eraldaketaren aldeko apustua... [+]
Zergatik ez du Nuit Debout frantziarrak M15 espainiarraren irismenik izan? Elementu guztiak zeuden (eta daude) mahai gainean: alderdi sozialistaren beste eraso bat lan eskubideen aurka ("Loi travail"), egonezin sakona eta "zerbait gerta zedin" guraria giroan... [+]
Egunak joan ahala, biziraupenaren larritasunik gabe eta denboraren prespektiba lagun, 23 egun iraun zituen Gipuzkoa Zutik kanpaldiari buruzko analisiak gehitzen doaz. Hainbat kidek Amador Fernandez Savaterrekin izandako elkarrizketatik ideia hauek bildu ditugu.