Musika taldeei informazioa bidaltzeko eskatu diete, generoa, hizkuntza eta beste hainbat irizpide kontuan hartuta. Musika taldeak ezagutarazi eta horiek autogestiora bultzatzea dute helburua.
Bilboko eta inguruetako musika taldeak bultzatu eta horiek aktibazio sozialean murgiltzeko dinamika bat abiatu du Kaskagorri konpartsak. Hasteko, musika talde gazteen zerrenda bat egiten ari dira, eta horretarako, haien taldeari buruzko informazioa bidaltzeko eskatu diete musika talde gazteei. Honako informazioa bidali beharko da kaskamusikeroak@gmail.com helbidera: izena, adin tartea, musika generoa, sexu proportzioa eta auzoa edo herria. Bestalde, irizpide batzuk lehenetsiko dituzte, esaterako, euskaraz abestea, sexu proportzioa edo abesti propioak edukitzea, esaterako.
Helburu bikoitza du dinamikak, Kaskagorrik azaldu duenez. "Alde batetik, Bilboko taldeak ezagutaraztea eta jotzeko aukera ematea da, taldeak aurrera ateratzeko ezinbestekoa dena. Eta bestetik musika taldeen aktibazio sozial bat ere bilatzen dugu, autogestio ikuspegi batetik haien proiektuak aurrera ateratzeko eta haien aldarriak plazaratzeko".
Zerrenda egin ondoren, beste hainbat dinamika ere proposatuko dituzte. Esaterako, egindako zerrendarekin Bilboko Aste Nagusian plaza eskaini nahi diete inguruetako talde gazte horiei. Entsegu lokal autogestionatuak bultzatzea eta kontzertuak antolatzera begirako proposamenak ere badauzkate esku artean, aurreratu dutenez.
Albiste hau Topatuk argitaratu du eta CC-by-sa lizentziari esker ekarri dugu ARGIAra
Egun handiaz gain, kultur egitarau zabala antolatu du Basaizea Elkarteak hilabete osorako.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
"Mugimendu Sozialista gure herriaren errealitate politiko eta sozialaren parte da, eta ideologia baztertzailerik ez duen beste edozein eragilek bezala, espazio zabaletan eta jai herrikoien antolaketan parte hartzeko eskubidea dauka", adierazi dute oharrean. Makina bat... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]