Bilboko Erronda kaleko tabernek bertso txapelketa antolatu dute
Erronda kalea 'Kale bat baino askoz gehiago' dela erakutsi nahi dute berriro Erronda kaleko lau tabernek eta 7Katu gaztetxeak, eta horretarako 25 bertsolari gazteren partaidetzarekin bertso txapelketa antolatu dute. Iaz egin zuten bezala, seinaka antolatuta (La Villan zazpi izango dira), lau kanporaketaren ostean, finala 7 Katu Gaztetxean jokatuko dute martxoaren 15ean.
Lehen kanporaketa saioa datorren astean izango da, otsailaren 6an, Errondabide tabernan eta bertan sei bertsolarik kantatuko dute 20:00etatik aurrera: Markel Baroja, Uxue Elgorriaga, Jon Gurrutxaga, Maialen Akizu, Urko Arregi eta Nahia Ibarzabal izango dira partaideak lehenengo kanporaketan.
Hurrengoa otsailaren 20an izango da, Adaxka tabernan. Paule Loizaga, Igor Galarza, Iker Apraiz, Mikel Aiartzaguena, Garazi Navarro eta Iraitz Mateo bertsolariak egongo dira lehian.
Otsailaren 27an, La Villan, 7 bertsolariren txanda izango da: Unai Mendiburu, Ander Anakabe, Aitor Irastorza, Lurdes Ondaro, Aissa Intxausti, Maider Barañano eta Jon Ander Oregi.
Amaitzeko, martxoaren 6an, azkenengo kanporaketa ospatuko da Bira! tabernan. Han izango dira: Enare Muniategi, Ander Urcelay, Lierni Rekondo, Maddalen Ruesgas, Asier Urkiza eta Kerman Diaz.
Final handia Zazpi Katu Gaztetxean izango da, martxoaren 15ean.
Albiste hau Uriola-n argitaratu da eta ARGIAra ekarri dugu CC by-sa lizentzia baliatuta
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.