Bilboko Erreka tabernan jasotako erantzun euskarafoboa salatu du bezero batek
Bilboko Plaza Berrian dagoen Erreka tabernan kafea euskaraz eskatu ostean gertatutakoa kontatu du Twitterren bezero batek. "Ez daukat euskaraz jakin beharrik, goi mailako ikasketak dauzkat, eta zuk?", erantzun ziola zerbitzariak salatu du.
Klasismoa eta euskarafobia salatu ditu. Hau da gaia zabaldu zuen txioa.
Bilboko Plaza Berriko Erreka Tabernan sartu. Euskaraz bi kafe eskatu ta kamareroa siku erantzun: Hola, Dos Cafés. No tengo por qué saber euskera. Tengo estudios superiores, y tú? Klasismoa, euskarafobia. @uriolaeus @kontseilua pic.twitter.com/dEq6e04rQK
— niko cuenca (@beharko) 2018(e)ko ekainaren 10(a)
Txioaren erantzunetan ikus daitekeenez, gertatua gezurtatzera sartu dira bi pertsona.
Barakatu baina kamareroarekin hitz egin dut eta ez da horrela gertatu, biktimizazio galanta dirudi, doako gorrotoa sortzeko
— W. Ander Rose (@deran93) 2018(e)ko ekainaren 11(a)
Hemen Cuencaren erantzunak:
Bost lagun izan ginen tabernan ta ez dugu iritzi hori. Ez da gure asmoa inondik inora gorrotorik sortzea, baizik eta jarrera negatiboa eta klasista salatzea. Beste taberna batzuetan ez dutenean euskaraz jakin era adeitsuan azaldu eta mesedez erdaraz egiteko eskatu digute.
— niko cuenca (@beharko) 2018(e)ko ekainaren 11(a)
Kasu honetan bera zakat aritu zen hasieratik. Bilbon eta taberna batean lan eginda zenbakiak euskaraz jakitea interesgarria baino ez genion esan,tonu egokian eta berak bapatean goi mailako ikasketena esan zigun, ez behin ,baizik eta berritan.
— niko cuenca (@beharko) 2018(e)ko ekainaren 11(a)
Berarekin zegoen Jon Intxaurragak Cuencaren bertsioa baieztatu du.
Nikok dioena egia da. Flipatu egin genuen tabernariekin (lankideak lankideari arrazoia ematen ziolako). Beharbada egun txarra zeuka(te)n, baina ez da gure errua.
— Jon Intxaurraga (@j_intxaurraga) 2018(e)ko ekainaren 12(a)
Hizkuntz Eskubideen Behatokiak salaketa jarri du
Egun on @beharko kexa helaraziko diegu horrelako jarrerak onartezinak direla ohartarazi eta berriro gertatu ez daitezen beharrezkoak diren neurriak har ditzaten. Horrelakoen aurrean, guregana jo dezakezu (https://t.co/Odd4Deua9V edo https://t.co/qtnsSOVrt1 orrien bidez)
— Hizk. Esk. Behatokia (@behatokia) 2018(e)ko ekainaren 11(a)
Eraso euskarafoboak Bilbon
Martxoan pertsona batek antzeko erantzuna jaso izana salatu zuen Bilboko beste taberna batean. Arrabotsa eragin zuen sare sozialetan.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Hezkidetzarekin lotutako proiektuak koordinatzeko lankideekiko bilera batean, mutiko batek ikaskide neska bati irain matxista bota diolako gertakaria kontatu zuen irakasle batek, zalantza sortu zitzaiolako egoki jokatu ote zuen, eta gure artean hausnarketa interesgarria sortu... [+]
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]