Euskara lan munduan

Bikain ziurtagiria jaso dute 68 enpresa eta entitatek

  • Iñigo Urkullu lehendakariak Bikain Euskararen Kalitate Ziurtagiriak banatu zituen astelehenean Gasteizko Europa Jauregian. 65 erakundek jaso dute ziurtagiria: 41ek goi-mailako urrezko Bikain egiaztatu dute; 20k zilarrezko ziurtagiria eta 4k oinarrizkoa.

Goiena @goiena
2015eko abenduaren 24a

Kanpo-ebaluazio horiek Bikain Ebaluatzaileen Klubeko 158 kidek  burutu dituzte. Ekitaldian, Hezkuntza, Hizkuntza Politika eta Kulturako sailburu Cristina Uriartek, Hizkuntza Politikarako sailburuorde Patxi Baztarrikak, eta Confebaskeko presidente Roberto Larrañagak ere parte hartu zuten.

Jauzi kuantitatiboa 2015ean

2015eko Bikain Ziurtagiriek jauzi kuantitatibo handia dakarte ziurtagiri hauen zortzi urteko historiarako. Datuei erreparatu besterik ez horretaz jabetzeko: 65 enpresa eta entitate ebaluatu dira aurten, eta 65 horiek jaso dute ziurtagiria. Inoizko kopururik altuena, eta are esanguratsuagoa kontuan izanik aurreko zazpi urteetan batez beste 28 enpresa izan direla urteko ziurtagiria eskuratu dutenak. Bikoitza baino gehiago, beraz, aurten. 158 ebaluatzaile ibili dira lanean aurten, iaz baino 20 gehiago. Dagoeneko 550 lagun dira Bikain Ziurtagirien Ebaluatzaile kluba osatzen dutenak. Guztiek ere musu-truke egiten dute lan.

Zortzi urte hauetako ibilbidean, 261 dira Bikain Ziurtagiria eskuratu duten enpresa eta erakundeak. Horietan lanean ari diren langileak berriz, 28.400 inguru.

Lehendakariak adierazi du euskara aurrera egiten ari dela enpresaren munduaren lankidetzari eta konpromisoari esker, eta, alde horretatik, urratsak ematen jarraitzeko apustua egin du, hizkuntza-kudeaketaren ebaluazioa ahalik eta gehien zabal dadin. "Gure helburua da euskararen erabilerari aplikatutako kalitate-parametroek toki naturala topatzea gure enpresen eta erakundeen kudeaketan, ekoizpenean eta komunikazioan", nabarmendu du Urkulluk.  

Bikain berritua

Berritzailea izan zen Bikain bere sorreran bertan ere, euskara enpresetako kalitate prozesuekin eta kudeaketarekin lotzea ekarri baitzuen. Aurrerantzean ere berritzaile izaten jarraituko du, Bikain berria eta berritua, enpresetara ez ezik administrazio eta erakunde publikoetara ere zabalduko baita. Horretarako, bi mundu ezberdin sistema bakarrera ekarriko dira. Ebaluazio prozesu bera izango da esparru batean zein bestean. Ponderazioa zorrotzagoa izango da administrazioentzat, legeria bera kontuan harturik. Bestalde, Bikain berrituak, ebaluazio sistema arinagoa izango du.   

Bikain Kanpo-Ebaluazioak Eusko Jaurlaritzak antolatzen ditu Euskalit Bikaintasunerako Euskal Fundazioarekin lankidetzan, eta erakunde batean euskararen erabilera, presentzia eta kudeaketa neurtzera daude zuzenduak. Hori horrela, aurten parte hartu duten erakundeek dagoeneko jaso dute ebaluazio-txosten bana beren indar-.gune nahiz zer hobetuen berri zehatza ematen diena, lortutako puntuazio eta horren araberako ziurtagiriarekin batera; hori guztia, lan-ibilbide desberdinetako ebaluatzaile talde batek egina, Hizkuntza Politikarako Sailburuordetzaren zuzendaritzapean.

Bikain Euskararen Kalitate Ziurtagiria ofiziala, publikoa eta doakoa da, eta hiru maila hartzen ditu bere baitan: oinarrizkoa (200 puntu gutxienez); tarteko maila edo zilarrezkoa (400 puntu gutxienez) eta goi maila edo urrezkoa  (700 puntu gutxienez).

Asteleheneko ekitaldian ziurtagiria jaso zutenen artean, ohi bezala, orotariko enpresa eta erakundeak egon ziren: industria nahiz zerbitzuetakoak, garraioetakoak, hezkuntzakoak, administraziokoak... Horiek guztiek egiaztatu zuten euskara txertatua dutela euren eguneroko jardueran, euren kudeaketan.

Kanpo-ebaluazio bat egin ondoren eskura daitekeen ziurtagiria da BIKAIN. Ebaluazio horretan EMEk (Erreferentzia Marko Estandarrak) zehaztutako alorretan euskararen presentzia, erabilera eta, oro har, kudeaketa neurtzen da. Ebaluatzen diren alorrak hauek dira: Erakundearen komunikazioa eta irudi korporatiboa; kanpo harremanak; barne harremanak; eta hizkuntza kudeaketa.

Kanpo-ebaluazio horiek Bikain Ebaluatzaileen Klubeko kideek egiten dituzte era altruistan. Ebaluatzaile horiek lan-sektore askotarikoak dira, baita eskala diferentetakoak ere, zuzendaritza-mailakoetatik hasi eta tartekoetatik jarraituta, maila ohikoagoetaraino.

Bikain Ziurtagiriaren zuzendaritza organoetan, Eusko Jaurlaritzako Hizkuntza Politikarako sailburuordea batzordeburu dela, EAEko enpresarien elkarteak (Confebask, Sea, Cebek eta Adegi), Euskadiko Kooperatiben Konfederazioa, hiru foru aldundiak, Euskalit, Euskaltzaindia eta Eudel biltzen dira.

(Albiste hau Goienatik hartu da CC lizentziari esker)

 

Kanal honetan artxibatua: Euskara

Euskara kanaletik interesatuko zaizu...
Ikastetxeko testuinguruaren araberako euskalduntzea? Hori tranpa da

EAEn Hezkuntza Akordioa bideratzeko oinarriak aurkeztu ditu Cristina Uriarte Hezkuntza sailburuak, eta 16 urterekin ikasleek euskaraz B2 maila lortzea jarri du helburu, baina praktikan adar-jotzea dirudi: helburu mailakatua izango da, “modu progresiboan” egitekoa, “zentro bakoitzaren errealitatearen arabera”, eta gainera, egungo hizkuntza-ereduak gainditzeko asmorik gabe.


2018-02-18 | Miren Osa Galdona
Euskaraz jakitea ez dute eskatuko EAEko 340 lanpostu publikoren eskaintza berrian

PPren Gobernuak Lan Eskaintza Publiko berriaren deialdia zabaldu du. EAEn 340 plaza esleituko dira administrazioan lan egiteko. Euskara ez da aintzat hartuko, ez behintzat eskakizun gisa. Javier de Andres Espainiako EAEko ordezkariak garbi utzi du neurri horren zergatia: “Madrildik iritsitako lan eskaintza denez, ez ditugu autonomia erkidegoetako hizkuntzak eskatu; ez da beharrezkoa”. Modu honetan postua lortzeko aukerak “errazagoak” direla nabarmendu du... [+]


2018-02-18 | Dabi Piedra
Fikzioa euskararen territorio libre

Paul Urkijoren pelikula berrian, pertsonaia bakoitzak hizkera bat darabil, istorioaren aberasgarri. Arabako euskara zaharra ere berpiztu dute. Film luzea martxoaren 2an emango dute lehen aldiz.


2018-02-16 | Lander Arbelaitz
Asimilatu nahi gaituzte, zer egingo dugu?

Herri gisa gainera datorkigunak ez du itxura onik, nere ustez behintzat. Orain egun gutxiko albiste batzuk aipatuko ditut. Batetik, Espainian Ciudadanos alderdiak, Ibex 35aren jostailu politiko neoliberal berriak, proposatuko du legez Euskal Herrian langile publiko izateko ez dadila beharrezko izan euskara jakitea.


Trebi˝uren eskutitza gurasoei

Arabaren bihotza. Mapetako hutsunea. Zulo beltza. Zortzigarrena. Salbuespena. Nahi eta ezina. Ahal eta nahi eza. Finean, Trebiñu.


Aurre-matrikulazioa Nafarroako ikastetxeetan: A ereduak gora, euskarak behera

Nafarroan, A ereduak gora egin du, eta D ereduak behera, batez ere hezkuntza-sare publikoan. 2017ko matrikulen datuekin alderatuta, A eredua %18,8tik %19,8ra igo da, eta D ereduan izen emandako hiru urteko ikasle kopurua %30,7tik %29,4ra jaitsi da.


2018-02-13 | Euskal Irratiak
Euskal Elkargoaren hizkuntza politika apirilean aurkeztu behar lukete, Arrabiten hitzetan

Hautetsiak eta euskalgitzako eragileek osatu lan batzordeak ari dira norabide hauen lantzen, Beñat Arrabit, Euskal Elkargoko hizkuntz poltikarako arduradunak, Amikuzeko irratiaren estrenan azpimarratu daukun bezala.


2018-02-12 | Aitor Montes
Quebec ez da Euskal Herria, Tutera ez da Ottawa

Urriaren amaieran edo azaroaren hasieran joan ginen Lehendakaria eta biok , bakoitza bere aldetik, Kanadara. Lehendakaria Quebecera, lehen ministroarekin biltzeko. Ni Ottawara, Quebecetik at bizi diren frantses hiztunen komunitatearen osasun arloko jardunaldietara.


2018-02-12 | ARGIA
Euskal Herrian langile publiko izateko euskararen ezagutzarik ez eskatzea proposatuko du Ciudadanosek

Espainiako Kongresuan lege proposamena aurkeztuko du aste honetan Ciudadanosek, gaztelania ez estatuko beste hizkuntza koofizialak –euskara, katalana eta galiziera– ez daitezen eskatu administrazio publikoko lanpostuak lortzeko orduan. Beren hitzetan hizkuntza hauek “hesi bat” dira.


ETBk gaztelaniazko programazioa lehenesten du

Euskal Telebistako programen prezioari behatuz gero, konturatuko gara ETBk bere bigarren katerako edukietan askoz gehiago inbertitzen duela euskarazko saioetan baino. Bikoitza, zehazki.


Azkenak
EGILEA
Eguneraketa berriak daude