Bigarren etxebizitza eta etxe hutsen azterketa herritarraren baitan, ekimenak egin ditu Aitzinak

  • Duela aste batzuk abiatu zuten azterketa herritarra, hainbat postontzietan pegatinak pegatzea zelarik zeregin nagusiena, hainbat bigarren etxebizitza zein etxe huts agerian utziz. Gaur ekimenak burutu dituzte horren harira, besteak beste, Hendaian edota Donibane Lohizunen.

Topatu.eus @topatu_eus
2017ko abenduaren 21a

"Azterketa herritarrean parte hartu edo haren emaitzak ikusi dituztenek ohar bat egin digute. Argi eta garbi azaltzen diren emaizak ikusgarriago egin behar ditugu", azaldu dute Aitzinako kideek. Horregatik erabaki dute gaur goizean eginiko ekimenetan, postontzietan pegatina txikiak jarri ordez, metro bat baino gehiago neurtzen dituztenak jartzea. 

Aitzina-ren Irakurketa 

Etxebizitza duinak gazteontzat Bigarren etxebizitza eta etxe hutsen azterketa herritarra abiatu genuen duela aste batzuk. Lurra eta Etxebizitzaren arloan gertatzen den espekulazioak, prezioak igoarazi eta bertako herritarrak baina bereziki gazteok etxebizitza duinak eskuratu ezinik uzten gaitu. Etxebizitzaren errealitate gordina azalerazi nahi izan dugu auzoz auzo, herriz herri eta eskualdez eskualde. Gazteriak bere egin du pairatzen duen problematika argitara ateratzeko erronka. Udazkeneko garai hauetan, ez dira guti postontzietan gelditu diren pegatinak. Miarritzeko hondartzako apartamenduak, Itsasuko baserri modernizatuak, Donibane- Garaziko Zitadelako etxeak...eta beste hainbat etxe huts eta bigarren etxebizitza agerian gelditu dira. 

Baina azterketa herritarrean parte hartu edo haren emaitzak ikusi dituztenek ohar bat egin digute. Argi eta garbi azaltzen diren emaitzak ikusgarriago egin behar ditugu. Egoera lotsagarria denean, salatzen duenak ezin du lotsarik izan. Horregatik, erabaki dugu hiru eraikin hauetan ironia erabiltzea. Postontzietan zentrimetro guti batzuetako pegatinak ezartzen bagenituen, metrotik gorako pegatinekinin seinalatu ditugu gaurko etxebizitzak. Aitzinetik dakigu, etxebizitza hauen jabeek ez dituztela gure pegatina erraldoiak kenduko gaur etxera sartzean. Etxebizitza hauen jabeak ez baitira hemen bizi eta ez baitute hemen lan egiten. 

Gure herriaren postaletako irudia saldu ohi dute. Hondartza, eguzkia, surfa, pilota, Ezpeletako piperra. Haatik, bertako etxe xuri teila gorriak gustoko izan arren, badira itxura modernoago baten alde egiten dutenak, Angeluko etxebizitza honen jabea kasu. Igerilekudun paradisu propioa eraiki du La Barre auzoan, handikeria hutsa den kabia. Noski, gisa honetako proiektu bat egiteko baliabideak dituena ez da bertako arkitekturarekin bat egiteaz arduratzen. 

Ipar Euskal Herriko biztanleriaren %75a etxebizitza sozial baterako hautagai izan daiteke. Haien arteko anitz, ikasleak edo langile gazteak. Gure herrietan etxebizitzak falta direla pentsatu ohi dugu usu, baina arazoa ez datza horretan. 2.etxebizitza eta etxe hutsen kopuruei so eginez, guziok etxebizitza duina eskuratzeko ez dago eraiki beharrik. Etxebizitzei ematen zaien erabilpena da gakoa Donibane-Lohizuneko itsasertzeko eraikin honen %80a hutsik dago negu hastapen honetan. Udan soilik erabiltzen diren etxebizitza hauek, bertako zenbat herritarren aterpe izaten ahalko lirateke urte osoan zehar ? 

Hendaian ere nabarmena 2.etxebizitza eta etxe hutsen problematika. Hendaiako zentroan kokatzen den eraikin oso hau dugu horren adibide. Hainbat urte dira bertako etxebizitzek egoiliarrik ez dutela. Lapurdiko kostaldeko herrietako erdiguneen bizitza kolektiboa kolokan ezartzen dute espekulazioak eta hirigintza politikek, herritarrak zentrotik gero-eta urrunago bizitzera behartuz. Eraikin honen gisako kasuetan, Herriko Etxeek denbora luzez hutsik egon diren etxebizitzen gaineko neurriak hartzeko eskumena izan beharko lukete. 

Bada garaia instituzioek arazo honi irtenbidea eman diezaioten. Azterketa lan sakona egin eta erabaki ausartak behar ditugu etxebizitza zinezko eskubidea izan dadin. Etxebizitzak kontsumo eta espekulaziorako erabiltzen den bitartean, guti batzuen negozioak prekarietatera kondenatuko gaitu. Azkenean, Lurra eta Etxebizitzaren inguruko eztabaida, herri-ereduaren inguruko eztabaida da. Gaur agerian utzi nahi izan dugun gisara, turismoa, lurralde-antolaketa, lana eta laborantza ere ukitzen ditu problematika honek. Azterketa Herritar honek errealitatea azalerazteko balio izan badu, egoeraren ezaugarri ezberdinak islatuko dituzten herritarrei hitza emateko asmoa dugu. Udazken honetan egindako lanean oinarrituz, borrokatzeko helburu zehatz eta lorgarriak finkatuko ditugu. Etxebizitza duinak eskuratzeko antolatzen segitu eta ekintzara pasako gira urtarriletik goiti.

Albiste hau Topatuk argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Etxebizitza eskubidea

Etxebizitza eskubidea kanaletik interesatuko zaizu...
2018-06-25 | ELA sindikatua
EAEn 100.000 pertsona baino gehiago daude alokairuzko etxebizitzarik eskuratu ezinik

Azken urteotan alokairuzko etxebizitzek izan duten bilakaerari buruzko txostena aurkeztu du ELAk. Sindikatuak emandako datuen arabera, egoera larriagotu egin da; izan ere, alokairuek gora egin dute etengabe azken urteotan. Ondorioz, 113.600 pertsonek ezin izan dute independizatu etxebizitza duin baten faltagatik.


Bankuen etxe hutsei zergak gehitu nahi dizkie Iruņeko Udalak, alokairura atera ditzaten

Nafarroako Gobernuak eta Iruñeko Udalak hitzarmen bat sinatu dute etxebizitzen hutsen inguruan, bankuek edo higiezinen enpresek dauzkaten pisu hutsei zerga berriak jartzeko.


2018-06-14 | ARGIA
Bere buruaz beste egin du Banco Popularraren aginduz etxegabetu behar zuten gizon batek

Cornella de Llobregaten (Katalunia) gertatu da. 45 urteko gizonak bere burua jaurti du hamargarren solairutik behera, Mossoak etxegabetze ordenarekin etxeko atean zirela.


2018-05-27 | Xalba Ramirez
Abaraska proiektua
Etxebizitza, auzoaren eragile sozial

Erosi, alokatu eta okupaturen artean, etxebizitzaren arazoari erantzun berri bat ari dira entseatzen Donostiako Abaraska proiektuko kideak. Teilatu batetik harago, ingurua eraldatu eta beste bizi eredu baten oinarria izan daitekeelako jarri dute martxan etxebizitza kooperatiboaren proiektua. Definizio fasea behin igarota, bizitoki izango duten espazioa lortu eta errealitatera salto egiteko aliantzak josten dabiltza.


Esan artzapezpikutzak egitekoa duen etxe kaleratzea atzeratu dute epaitegiek

Hipotekek Kalteturiko Plataformak adierazi du "forma" arazo batek atzeratu duela tramitea baina ohartarazi du artzapezpikutzaren nahia oraindik ere Esa herriko familia etxetik botatzea dela.


2018-05-20 | Xabier Letona
Iruņeko Alde Zaharra: turismo masiboaren atzaparretatik ihesi

Nor ez da turista gure Mendebaldeko gizartean? Gutxi batzuk. Nork ez ditu bisitatu nahi urruneko edo gertuko lekuak? Gutxik. Gero eta gehiago mugitzen gara, horra turismo masiboaren oinarria. Baina jakitun gara eta gero eta kontzientzia handiagoa dago turismo molde honen arazoaz. Iruñeko kasua aztertuko dugu hemen, arazoa larritzen ari da Alde Zaharrean eta bizilagunek eskatzen dute auzoa ostatu turistikoentzako eremu saturatua izendatzea.


2018-05-16 | ARGIA
Nongoak dira Hego Euskal Herrian bizi gabe bertan etxea erosten dutenak?

2017ko bigarren sei hilabetean jasotako datuen arabera, atzerritarren etxebizitza salerosketari dagokionez, Espainiako estatuko batezbestekoaren gainetik kokatzen da Hego Euskal Herria.


2018-05-11 | Hala Bedi
Eusko Jaurlaritzaren Gaztelagun programak espekulazioa bultzatzen duela salatu dute Gasteizen

Eusko Jaurlaritzaren Gaztelagun programa salatu eta espekulazioa bultzatzen duela uste du Gazte Emantzipaziorako Sareak: diru publikoarekin negozioa bultzatzea leporatzen diote. Gazteen ardura agintarien etxebizitza negozioa salatzea eta publiko egitea delakoan daude.


2018-05-06 | Irati Elorrieta
Emantzipazioaren auzian

Garuna gordetzeko dugun maletan fragile pegatina itsatsita hasi beharko genuke gure bidaia. Baina ez da hori izaten etxetik irtetean nagusitzen den sentipena. Bestela, ez genuke egingo. Urte onak izan ziren, oso onak. Baina lagungarria izan da zailak ere izan zirela ulertzea: ez baita garai erraza. Psikearentzat bereziki hauskorrak dira 25era arteko urteak.

Erabakiak hartzeko eta nia-ren garapenerako garrantzitsua den burmuinaren atala heldutasunera iritsi baino askoz ere lehenago... [+]


2018-04-25 | Miren Osa Galdona
Okupatutako etxeak azkarrago husteko lege-erreforma onartu du Espainiako Kongresuak, eskuin unionistek eta subiranistek bat eginda

Prozedura Zibileko Legea aldatzea onartu du Espainiako Kongresuak. Horrela, etxe bat okupatu duten pertsonak bi urteren buruan kaleratu ordez, bi hilabeteko epean kanporatu ditzakete. Neurriak ez du arrisku egoeran dauden familientzat edo norbanakoentzat alternatibarik jasotzen; administrazioak ez die zertan beste bizitoki bat eskaini. PPren, Ciudadanosen eta EAJren botoekin atera da aurrera PDeCATek proposatutako legea. Indarrean jartzeko Senatuaren onespena behar du.


Azkenak
EGILEA
Eguneraketa berriak daude