Bigarren erreferenduma egiteko lege-proiektua aurkeztuko du datorren astean Eskoziako Gobernuak
Bigarren independentzia erreferenduma egiteko bidean da Eskozia. Europar Batasunean (EB) geratzearen alde egin zuten eskoziar gehienek ‘Brexit’aren galdeketan, eta horien interesak defendatzeko beharra duela adierazi du Nicola Sturgeon Eskoziako lehen ministroak.
Eskoziako Alderdi Nazionalistak (SNP) hasiera eman dio urtero egiten duen biltzarrari. Glasgown bildu dira hiru egun iraungo dituen Konferentzia Nazionala egiteko. Bertan azaldu du Sturgeonek bigarren independentzia erreferenduma eskatzeko lege-proiektua aurkeztuko dutela datorren astean. Brexitaren emaitzak aztertzerakoan ere independentziari buruzko galdeketa bat egiteko asmoa zutela iragarri zuen lehen ministroak.
Ekainaren 23an egin zuen Erresuma Batuak EBtik ateratzeko hautua. Eskozian, aldiz, herritarren %62ak gelditzearen alde bozkatu zuen. Horren harira, “eskoziarren interesak defendatzeko beharrezkoa den guztia” egingo duela adierazi du Sturgeonek. Bigarren erreferenduma EBtik irten baino lehenago egin nahi dutela gaineratu du. Brexit prozesua 2017ko martxoa baino lehen hasi nahi du Theresa May Errresuma Batuko lehen ministroak.
Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.
Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.
Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]
Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak