Ura eten diete 1.130 familiari Bizkaian azken bi urteetan

  • Zerbitzua ez ordaintzeagatik kendu diete ura familia horiei. EH Bilduk arazoari aurre egiteko proposamena aurkeztu du Bizkaiko Ur Partzuergoko batzarrean, baina Naiz-ek zabaldu duenez egindako proposamena eztabaidatzeari uko egin dio batzarrak.


2015eko abenduaren 23an - 10:01
EH Bilduk proposatu du negoziaketa prozesuak abiatzea ordainketak bideratu eta ura ez eteteko ordaindu ez dutenei.

Koalizioak bere proposamenean azaldu zuen faktura ez ordaintzeak ez duela ur horniketa etetea ekarri behar, eta kasu horietarako proposatu du negoziaketa prozesuak abiatzea ordainketak bideratu eta ura ez kentzeko ordaindu ez dutenei.

EH Bilduko Bizkaiko alkate eta zinegotziek proposamena luzatu zioten partzuergoari arazoari irtenbidea eman, eta ur hornidura ziurtatzeko. Arrigorriagako Beteluriko plantan eginiko batzarrean proposamena ez zen eztabaidatu, ordea, EAJko eta PSEko ordezkariek “araudi arazoak” zeudela argudiatu zutelako.

Aulestiko alkate Mikel Ansotegik nabarmendu du ura pertsona ororen “oinarrizko baliabidea” dela. “Ura etetea, horretarako arrazoiak kontuan izan gabe, onartezina da”, adierazi du, “ura ez da merkatuen logikaren arabera kudeatu behar den baliabidea”. Bestalde, Ansotegik partzuergoko batzarrean ur hornidura kudeatzeko arautegia birplanteatzea proposatu zuen, “kontabilitatera baino sozialera bideratzeko”.

Informazio gehiago Bizkaiko Ur Partzuergoaren pribatizazio arriskuaz


Kanal honetatik interesatuko zaizu: Uraren kudeaketa
2024-02-01 | Jon Torner Zabala
Larrialdi egoera ezarri dute Katalunian bere historiako lehorterik okerrenagatik

Ter eta Llobregat ibaietako ura heltzen den zonaldeetan ezarri du Generalitateak larrialdi-egoera. Lehortea bereziki gogorra da Bartzelonako eskualdean, Gironako eremu zabaletan eta Costa Bravan: urtegietako ur-maila edukieraren %15,8an dago, alerta gorena ezartzen den mailatik... [+]


2024-01-28 | Daniel Hofnung
Klimaren narratiban uraren kudeaketa sartu beharraz

Urarena da Lurra planetak bizi dituen krisi nagusietakoa. Zehatzago esateko, ur gezaren krisia. Batean alarma pizten du lehorteak eta biharamunean uholdeak, eta bata bestearen gainean pilatuz doaz gizateriaren biziraupena arriskuan jartzen duten ondorioak. Landa eremuak gaur... [+]


2024-01-28 | Daniel Hofnung
Klimaren berotzetik harago: Uraren zikloak eta karbonoarenak nola osatzen duten elkar

Klimaren arazoa gero eta kezkagarriagoa ari da bihurtzen: uda gero eta beroagoak, lehorteak eskualde askotan, kalte materialak eta giza galerak eragiten dituzten fenomeno meteorologiko bortitzak… Arazoaz eman ohi den azalpen bakarra izaten da "klimaren... [+]


Eguneraketa berriak daude