Bi urte Ayotzinapako desagerpenetatik: kasua argitzeko eskatu dute munduko zenbait hiritan

  • 2014ko irailaren 26an eskola normalistako 43 ikasle desagertu ziren, poliziak atxilotu eta gero. Bertsio ofiziala arbuiatzen dutenek Mexikoko Estatuaren erantzukizuna salatzen dute.


2016ko irailaren 28an - 10:21
Mundu osoan zehar hedatu da 43 ikasleak bizirik etxeratzeko aldarria. [Sputnik]

Asteartetik asteazkenerako gauean bi urte bete dira Ayotzinapako (Mexiko) eskola normalistako 43 ikasle desagertu zirenetik. Errepublikako Prokuradoretza Orokorrak (PGR) eskainitako bertsioaren arabera, 2014ko irailaren 26ko gauean, bost autobus “bahitzen” saiatzeagatik atxilotu zituzten 43 ikasleak. Beste sei lagun hil egin ziren Igualako udaltzaingoarekin izandako liskarretan.

PGRren arabera, Igualako alkatearen aginduz atxilotutako 43 lagunak Guerreros Unidos narkotrafikatzaile kartelaren esku utzi zituen udaltzaingoak. Hauek Los Rojos karteleko aurkariekin nahastu eta erail eta erraustu egin zituzten.

Alabaina, gizartearen zati batek ez du ontzat jotzen bertsio hori, eta Mexikoko Estatua jotzen dute erantzule nagusitzat. Izan ere, frogen alterazioak eta poliziaren ikerketan jasotako kontraesanek askok bertsio ofiziala arbuiatzea eragin dute. Hala, Mexikoko Gobernuak ikasleak non dauden badakiela salatu eta haien etxeratzea exijitu dute zenbait hiritan, desagerpenaren bigarren urteurrenean:

Mexiko Hiria

Bartzelona

Buenos Aires

Paris

Amsterdam


Kanal honetatik interesatuko zaizu: Mexiko
Mexikoko lehen magistratu ez bitarraren heriotza gorroto diskurtsoen ondorio dela salatu dute

Aguascalienteseko Fiskaltzak adierazi du Baena bere bikotekideak hil, eta ondoren bere buruaz beste egin zuela. Baenaren senideak ez datoz bat hipotesi horrekin, eta familiaren abokatuak adierazi du ikerketa aldatuko duten frogak aurkeztuko dituela. LGBTIQ+ komunitatea ere kexu... [+]


Suge buruaren koloreak pizten

2022ko irailaren 19an Mexiko Hiria astindu zuen lurrikarak ez zuen soilik hondamena ekarri. Tenochtitlan zaharrean lurperatuta zegoen suge buru kolosal bat ere agerian utzi zuen.


Maya trenaren obrek dagoeneko 10 milioi zuhaitz baino gehiago bota dituzte Mexikoko hego-ekialdean

1.500 kilometro baino gehiago izango ditu trenbideak, zeinak Mexikoko hego-ekialdeko bost estatu bilduko dituen: Campeche, Chiapas, Quintana Roo, Tabasco eta Yucatan. Maya trenaren kudeaketa Armadaren esku utzi zuen pasa den hilean Andres Manuel Lopez Obrador presidenteak.


2023-07-13 | Ilargi Manzanares
Luis Martín Sánchezen gorpua aurkitu dute, aurten Mexikon hil duten zazpigarren kazetaria

La Jornada hedabidean lan egiten zuen, Mexikoko egunkari nagusienetakoa. Bere gorpua Nayarit estatuan aurkitu dute, desagerpenaren salaketatik egun gutxitara.


Eguneraketa berriak daude