Korsika Garaiko Prunelli-di-Fiumorbu herriko Lehen Mailako eskolan bi institutriz mehatxatuak izan dira eta ikasturte bukaerako Kermesa ekitaldia bertan behera geratu da.
Ontsalaz, ikasleek John Lennon-en Imagine kanta abestu beharko lukete ekainaren 26ko jaialdian, baina hainbat gurasok irakasleen aurka gogor egin ondoren, ez dute eginen. Polemikaren iturria ez da Imagine kanta, berez, honako hau baizik:
Bi institutrizak Imagineren zenbait bertsio prestatzen ari ziren, frantsesez, korsikeraz, ingelesez, espainolez eta arabieraz. Alta bada, ikasleen guraso multzo bat sumindu da euren seme-abalak arabieraz entzutean. “Ez dugu gure seme-alabek arabiera ulertu dezaten nahi”, adierazi diete irakasleei.
Prunelli-di-Fiumorbu herrian (Korsika Garaia) komunitate magrebtarra zabala da. Eskolako irakasleek guraso batzuek “erlijioaren eta hizkuntzaren artean egin duten amalgama” salatu dute, baita “hainbat gurasoren informazio eskasa” ere. Irakasleek Droit de retrait delakoari kasu eginez, uko egin diote ikasturteko jaialdia (Kermesa) ospatzeari. Halaber, egunotan eskola orduak ez daude guztiz bermatuak.
Irakasleek zabaldutako komunikatuan diotenez, irakaskuntzako programak errespetatuak ez diren bitartean, ez dute beren ikasleen ez beren burua segurtatuta ikusten.
Hezkuntzako akademiaren inspekzioak salaketa jarri du auzitegian “mehatxu arrazistak” argudiatuz. Michel Barat erretoreak sostengua adierazi die irakasleei. Guraso horien jarrera arbuiatu du eta “eskolak ordezkatzen dituen baloreen aurkako jarrera kalifikaezina dela” argudiatu.
Azkenik esan, FLAREPek (Hizkuntza Erregionalen Aldeko Gurasoen Federakuntza Irakaskuntza Publikoan) Prunelli-di-Fiumorbuko irakasleei bere elkartasuna adierazi die publikoki.
Iturri osagarriak:
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]