Bi hildako eta lau milioi eurotik gorako kalteak uholdeen ondorioz Nafarroan

  • Nafarroako Erriberan uholdeek ondorio nabarmenak utzi dituzte. Lau milioi euro baino gehiagoko kalte ordainak utzi dituzte.


2015eko martxoaren 05an - 12:29
Argazkia: Nafarroako Gobernua

Bi pertsona galdu dute bizitza: Fustiñana eta Buñuel artean pertsona batek bizia galdu zuen traktore batekin Ebro ibaian harrapatuta geratzean. Arruazun beste pertsona bat hil zen Arakil ibaira erorita.

Arga eta Ebro ibaiak izan dira gainezka egin dutenak, errepide aunitz itxiz. Normaltasuna berreskuratu bada ere, oraindik ibaien ur emaria altua izaten jarraitzen du. Garbiketa lanek aurrera darraite.

Ebro ibaiaren garbiketa izan da Erriberako alkateen lehenengo eskaria. Era berean, Nafarroako Parlamentuak, ur-goraldiak saihesteko eta ibaiak zaintzeko orduan administrazio bakoitzaren eskumenak zehazteko txosten juridiko bat eskatu du.

Martxoaren 6an Espainiako Ministro Kontseiluan kalteak konpontzera eta garbiketara bideratutako neurriak jasotzen dituen lege dekretu bat onartuko dute.  Nafarroari emanen dizkioten lau milioi euroez gain, nekazaritzako aseguruek uholdeek eragindako kalteak konpontzera bideratuko dira ere.

200 nekazari nafar inguru bildu ziren Ebroko Ur Konfederazioak Zaragozan duen egoitzaren aurrean asteazkenean, martxoaren 4ean,  Nafarroako Nekazari eta Abeltzainen Batasunak deituta. Espainiako Gobernuari ibaiaren dragatzea eskatu zioten. Horrekin batera hitzemandako laguntzek uholdeek eragindako galeren %100ak ordaintzea eskatu zuten.

Duela 135 urtetik hona izandako otsaila euritsuena izan da: prezipitazioak bikoiztu eta tenperaturak baxu mantendu dira.


Kanal honetatik interesatuko zaizu: Uholdeak
2023-08-28 | Ilargi Manzanares
Duela 40 urteko uholdeei emandako erantzun herritarra omendu dute Bilboko Konpartsek

Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.


Alfredo Ollero Ojeda
“Ibaiak haien ibilguetan gero eta sakonago hondoratzen ari dira”

Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]


Ereñotzuko eta Pagoagako inguruak ere hondamendi eremu izendatzeko eskatuko dute

Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.


2022-08-29 | Leire Artola Arin
Ekainetik gutxienez mila pertsona hil dira Pakistango uholdeen eraginez

Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.


Eguneraketa berriak daude