Bi guardia zibil eta forense baten deklarazioekin ireki da epaiketaren bigarren astea

  • Bigarren astean sartu da Altsasuko gazteen kontra Madrilgo Audientzia Nazionalean egiten ari diren epaiketa. Gaur beren lekukotasuna hartu zaie Guardia Zibileko bi agenteri eta liskarrean zauritutako agenteak bezala beren bikotekideak artatu zituen mediku forentseak.


2018ko apirilaren 23an - 16:14

Bi guardia zibileetatik tenientea izan da –ondoko egunetan perito lana ere egingo duena– Altsasuko gazte epaituak terrorismoarekin lotu nahian gehien nabarmendu dena. Uniformedunek herritik alde egin dezaten eskatuz Ospa izeneko kanpainan egindako mobilizazioak aipatu dituzte eta auzitan dagoen gaueko liskarra –Koxka ostatuan gertatu zena– aurretik prestatua zegoela aldarrikatu. Hala ere, epai mahaiak ez ditu frogatzat onartu agenteek aurkeztutako bideo bat eta zenbait argazki.

Asteleheneko auzi saioan eman du bere lekukotasuna Nafarroa auzi-mediku batek, gertakizunetan zauritutako guardia zibilak eta haiekin zihoazen bi emakumeak artatu zituena. Astearte goizeko 10:00etan emango zaio jarraipena epaiketari.


Kanal honetatik interesatuko zaizu: Altsasuko gazteak
Altsasu antzezlana ikusi dute Madrilen, Vox-en boikotaren gainetik

Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.


2022-01-19 | ARGIA
Altsasuko gazteen eskakizuna atzera bota du Estrasburgoko Auzitegiak

Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.


2021-11-10 | ARGIA
Auzitegi Nazionalak dio Altsasu auziko Guardia Zibilaren tenientea ez dela terrorismoaren biktima

Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.


Eguneraketa berriak daude