Bi ekintza ari da lantzen uztailean egiteko Buruntzaldea Zutik
Bi astez behin asanblada, eta bi astez behin ekintza zuzen bat. Asteroko martxari eusten dio Buruntzaldea Zutikek.
Uztailaren 12an Urbil merkatal gune handian aritu ziren erraustegiari buruzko informazioa ematen.
Uztailaren 19an, berriz, asanblada egin zuten Usurbilen. Opor betean eta eguraldi onegia zegoen egunean, 23 lagun bildu ziren, Hernani, Usurbil eta Zubietako herritarrak. Asanblada horretan egin zuten Urbileko ekintzaren balorazioa, eta hurrengo bi ekintza erabaki zituzten: haietako bat, U28ko GHKren batzarraren aurreko mobilizazioan parte hartzea.
Hurrengo asanblada abuztuaren 2an egingo dute (lekua oraindik zehazteke).
110 herritar bildu ziren uztailak 5ean, Hernanin egin zen asanbladan. Asteartetan jarri dute hitzordua: aste batean batzarra egingo dute eta hurrengoan ekintza. Asanblada egingo den herria txandakatu egingo da.