Euskal Herriko Bertsozale Elkarteak urteko batzar nagusia egin zuen joan den larunbatean (25) Agurainen. Iñaki Murua elkarteko lehendakariak azaldu zuenez, 2006a "gogoetako urtea" izango da. Horrela, etorkizunean zer aldaketa egin eta zertan hobetu behar duten jakiteko bertsolaritzaren inguruko inkesta eta azterketa egiten ari dira Euskal Herriko Unibertsitatearekin batera.