Bertso Eguna, generoaren gaia “azaleratzeko”

  • Generoa izango da aurtengo Bertso Egunaren gai nagusia. “Azalera” izenpean bultzatutako ekimenean “erantzunak baino galderak” planteatuko dituzte. Hilaren 25ean, larunbatean, izango da Donostiako Kursaalean.


2014ko urtarrilaren 23an - 00:00
Azken eguneraketa: 2015-02-26 13:37:33

“Umoretik eta positibotik”. Hala hartu nahi du Bertsozale Elkarteak generoaren lanketa; alegia, ez “lezioak ematen”, era eraikitzailean baizik.

“Azalera” hitzaren hiru adierekin jolastu nahi izan dute. Batetik, generoaren gaia “azaleratu” nahi dute, argitara eman; bestetik, “azalera” ekarri nahi dute, sentimenduetara, hain zuzen; eta hirugarrenik, “azalera” espazioari egiten diote erreferentzia, presentzia aldarrikatzeko.

Egitaraua eta bertsolariak

Goizean goiz emango diote hasiera, 12:00etan, Donostiako Alde Zaharreko tabernetan bertso poteoa antolatu baitute. Honako hauek izango dira kantuan: Iratxe Ibarra, Amaia Agirre, Erika Lagoma, Miren Artetxe, Ane Labaka, Amaia Iturriotz, Maddi Sarasua, Ane Zuazubiskar, Izar Mendiguren eta Itxaso Paia.

Arratsaldean Kursaaleko ekitaldi nagusian bertsoak beste diziplinetako arte adierazpenekin elkartuko dituzte. Hamabi bertsolari igoko dira oholtzara:  Maialen Lujanbio, Amets Arzallus, Nerea Elustondo, Uxue Alberdi, Rosi Lazkano, Igor Elortza, Onintza Enbeita, Maddi Ane Txoperena, Beñat Gaztelumendi, Ainhoa Agirreazaldegi, Saioa Alkaiza eta Iñaki Gurrutxaga

Afalosteko emanaldian ere makina bat sortzaile arituko dira: Miren Artetxe, Estitxu Eizagirre, Idoia Etxeberria, Onintza Garcia, Malen Amenabar, Nerea Ibarzabal, Hodei Unzueta, Aitor Bizkarra, Joritz Bastarrika, Oihana Makazaga, Uxue Larrukert, Aitor Servier, Asier Galarza, Maialen Akizu, Eli Pagola, Kattalin Barcena, Paule Loizaga eta Lorratzak taldea.

Sarrerak oraindik salgai

Gutxi geratzen diren arren, oraindik bada Kursaalerako saiorako eta afarirako sarrerak eskuratzeko beta Bertsozale Elkartearen sarreren gunean.

Bidea urratu duten bertsoak, ARGIAren eskutik

Emakumeek bertso munduan egindakoa zenbait alerekin bertso bilduma osatu du ARGIAk, Bidea urratu duten bertsoak izenburupean. Otsailearen 9ko alearekin batera banatuko dugu, eta interneten ere egongo da eskuragai, PDF bertsioan.


Kanal honetatik interesatuko zaizu: Bertsolaritza
Aroa Arrizubieta txapeldun

Manex Agirre txapelaren ertzean


Larunbatean izanen da Arabako Bertsolari Txapelketaren finala

Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.


2024-03-04 | Bertsozale.eus
Asier Otamendik irabazi du Dulantziko finalerdia eta finala erabakita geratu da
Larunbat honetan jokatu da bigarren eta erabakiorra izan den finalerdia Dulanziko Kultur Etxean. Asier Otamendik bereganatu du martxoaren 16an jokatuko den finalerako bigarren txartela.

Onintza Enbeita
“Honetan guztian egon nahi dut, hau guztia ukatu zaigun garaian ere egon naizelako”

Hamahirugarren Bizkaiko Bertsolari Txapelketa eta bederatzigarren finala izan ziren iazkoak Onintza Enbeita Maguregirentzat (Muxika, 1979). Irautearen esfortzua eta poza ederki ezagutzen ditu, bertsotan zein handik kanpo, eta horri esker dago dagoen lekuan. Irauteko aldatzeari... [+]


Eguneraketa berriak daude