Bertan behera utzi dituzte Zarauzko Azken Portuko jaiak, Udalak aurten jarritako baldintzengatik
Zarauzko Santa Klara, Azken Portu eta Aritzbataldeko auzoko jaien hasiera zena amaiera bilakatu da. Gaueko kontzertuak hasi aurretik, jai batzordeko kideak eszenatokira igo eta jakinarazi dute jaiak "eten" egingo direla. Udal Gobernuak (EAJ) ezarritako soinu muga dela-eta, musika taldeek ezin dutelako jo Udalak jarritako baldintzetan.
Jai Batzordeak zabaldu duen oharrean dioenez, "azken lau urteetan Zarauzko Udalak bertako bizilagunen erosotasuna aitzakiatzat hartuta gero eta muga gehiago jarri dizkigu eta 2017ko abuztuaren 10eko gaua izan da kito esateko unea".
Argitu dutenez, Udalak 92 dB-ko muga ezarri du musikaren bolumenarentzat –Iazko bolumenaren herena–. Musika taldeek soinu froga egin ostean, taldeek eta teknikoek beraiek, aitortu zieten baldintza horietan kontzertu bat ematea ezinezkoa dela, eta ez dutela Espainiako Estatuan inon halako mugarik eduki. Beraz, "Udalak jai herrikoiei jarritako azken oztopo hau" azkena izan dadin, ekitaldi guztiak bertan behera uztea erabaki dute eta protestak iragarri dituzte. Oharrean auzotar guztiei barkamena eskatu diete, "gertaturiko guztiaren kaltetu nagusiak zuek baitzarete".
Ostiralean, abuztuak 11, 19:00etan Azken Portuko Plaza Gorrian prentsaurrekoa emango dute eta larunbatean, 11:30etan Plaza Gorritik abiatuta protesta zaratatsua.
Negozio pribatuen festei oztoporik ez
Zarauzko Udalak eta Zurekin ostalaritza elkarteak sustatuta, abuztuaren 6an Los 40 Principales kate espainiarraren ‘Los 40 Summer Live‘ musika jaialdia egin zuten. Jaialdi komertzial horren atzean dagoen kultura eta turismo ereduak kezkatuta herrian kritikak azaleratu dira. Horren erakusgarri, jaialdiko kontzertu baten erdian hainbat lagunek zabaldu duten pankarta: “Gure herrian arrotz, kultura herritik eta herriarentzat”.
Oier Aranzabal zarauztarrak ZuZeun idatzitako iritzi artikuluan jaso zituen horrelako jaialdiek eta Zarauzko Udalak sustatzen duten ereduari buruzko hainbat kritika.
Uribarriko Ane Ortiz Ballesteros (Bilbo, 1989) Askapeñako konpartsakidea jardun da aurtengo Aste Nagusian txupinera lanetan txaketa eta txapela gorria jantzita. Jai bereziak izan dira zalantzarik gabe aurtengoak berarentzat. Besteak beste, jarduera eta gune berriak ezagutzeko aukera izan du. Ez du erraz ahaztuko bederatzi egunetan “jendeak emandako maitasuna”.
Piztiak konpartsako Ane Ligero eta Loreto Errazti txupinera ohia irmo mintzatu dira Bilbon oraindik ere jasotzen diren animaliadun ikuskizunen inguruan. Pribilejioak eta Udalaren eta erakundeen pasibotasuna kritikatu dituzte.
Donostiako Bagera elkarteak informazio bilketa lana egin du. Batetik, hizkuntza ohituretan eragiteko hamar esperientzien berri jaso du, eta bestetik, halako zerbait egiteko gogoz direnentzat gida prestatu du.
Kaskagorrik agiria atera du, adieraziz Eusko Gaztediren bertsioa "lau haizetara zabaldutako gezurrez beteriko komunikatua" dela. Kaskagorriren irudia zikintzeko helburua duela salatu du gazte konpartsak.
Igandean Marijaiaren erreketaren ostean Kaskagorriko txosnan "arrazoi politikoengatik" Euzko Gaztediko kide bat jipoitu zutela salatu dute.
Bilboko Udalean ordezkaritza duten taldeek jaietan jazotako gutxienez hiru eraso sexisten kontrako ohar bateratu bat kaleratu dute.
Bilboko Hontzak konpartsaren txosnaren zentsura kasuari begira 9. saioan.
Bosgarren urtez irabazi du konpartsa anarkistak txosnen dekorazio dotorenaren saria. Eulia saria Sinkuartelentzat izan da, txosna guztien artean apainketa eskasena izateagatik.
Umorez erantzun dute Hontzak konpartsako kideek astelehenean beren txosnako dekorazioa kendu izana. Agindu judizial baten ondorioz erretiratu du Ertzaintzak txosnan zeukaten “Vatikanoko Harategiak” instalazioa, “sentimendu erlijiosoak mintzen” dituelakoan.
Bilboko Hontzak konpartsaren txosnatik "Vatikanoko harategiak" izeneko dekorazioa kendu du astelehen goizean Ertzaintzak.
