'Berriak 10 urte' jaialdia larunbatean Andoainen
Duela hamar urte sortu zen Berria, 2003ko ekainaren 21an, Guardia Zibilak Euskaldunon Egunkaria bortxaz itxi eta hiru hilabetera. 24.404 akziodun, 11.085 harpidedun eta 4.595.900 euroko kapitala bildu zituen egunkari berriak lehen hiru hilabetetan. Berehala saldu ziren lehen argitalpenaren 50.000 aleak.
Larunbatean Berriak 10 urte jaialdiarekin ospatuko dute egunkariaren sorreraren urteurrena, Andoainen, Martin Ugalde Kultur Parkean. Ekitaldi nagusiaz gain, bertsolariak eta sagardo dastaketa ere izango dira. Arratsaldeko lauetatik aurrera, Napoka Iria, Petti, Morau eta Gosek kontzertuak eskainiko dituzte.
Etorkizunari begira, Iban Arregi kontseilari ordezkariaren hitzetan, kazetaritzan etengabe gertatzen ari diren teknologia eta euskarri aldaketa horietara ahalik eta azkarren eta arinen egokitzea izango da gakoa.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
Otamendi 30 urtez izan da Euskaldunon Egunkariako eta Berriako zuzendari, eta erretiroa hartuko du 65 urte beteta. Mujika 1995etik da bi hedabide horietako kazetari, eta zuzendariorde aritu da azken urteetan.